ਫ਼ਿਲਮ ਨਿਰਮਾਤਾ ਤੇ ਨਿਰਦੇਸ਼ਕ ਮਹੇਸ਼ ਭੱਟ (Mahesh Bhatt) ਨੇ ਆਪਣੇ 76ਵੇਂ ਜਨਮਦਿਨ ‘ਤੇ, ਆਪਣੇ ਜੀਵਨ, ਕੈਰੀਅਰ ਅਤੇ ਆਉਣ ਵਾਲੇ ਪੋਡਕਾਸਟ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਇੱਕ ਅਖ਼ਬਾਰ ਨੂੰ ਇੰਟਰਵਿਊ ਦਿੰਦੇ ਹੋਏ ਉਨ੍ਹਾਂ ਨੇ ਆਪਣੇ ਅਤੀਤ ‘ਤੇ ਪ੍ਰਤੀਬਿੰਬਤ ਕਰਦੇ ਹੋਏ, ਖ਼ੁਲਾਸਾ ਕੀਤਾ ਕਿ ਸ਼ਰਾਬ ਨਾਲ ਉਨ੍ਹਾਂ ਦਾ ਸਫ਼ਰ ਉਦੋਂ ਸ਼ੁਰੂ ਹੋਇਆ ਜਦੋਂ ਉਹ ਸਟ੍ਰਗਲ ਕਰ ਰਹੇ ਸੀ, ਪਰ ਉਨ੍ਹਾਂ ਦੀ ਧੀ ਸ਼ਾਹੀਨ ਨਾਲ ਵਾਪਰੀ ਘਟਨਾ ਨੇ ਉਨ੍ਹਾਂ ਦੀ ਸ਼ਰਾਬ ਛੁਡਾ ਦਿੱਤੀ।
ਆਪਣੀ ਨਵ ਜੰਮੀ ਧੀ ਨੂੰ ਫੜ ਕੇ, ਜੋ ਉਨ੍ਹਾਂ ਤੋਂ ਦੂਰ ਹੋ ਗਈ ਸੀ, ਨੇ ਮਹੇਸ਼ ਭੱਟ (Mahesh Bhatt) ਨੂੰ ਅਹਿਸਾਸ ਕਰਵਾਇਆ ਕਿ ਉਨ੍ਹਾਂ ਨੂੰ ਬਦਲਣ ਦੀ ਲੋੜ ਹੈ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਉਹ 38 ਸਾਲਾਂ ਤੋਂ ਸ਼ਰਾਬ ਤੋਂ ਦੂਰੀ ਬਣਾ ਕੇ ਰੱਖੇ ਹੋਏ ਹਨ।
ਆਪਣੇ ਕੈਰੀਅਰ ਦੀ ਸਫਲਤਾ ਬਾਰੇ ਪੁੱਛੇ ਜਾਣ ‘ਤੇ, ਭੱਟ ਨੇ ਇਸ ਦਾ ਸਿਹਰਾ ਉਨ੍ਹਾਂ ਲੋਕਾਂ ਨੂੰ ਦਿੱਤਾ ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਇਸ ਸਫ਼ਰ ਵਿੱਚ ਸਮਰਥਨ ਦਿੱਤਾ, ਨਾਲ ਕਲਾ ਪ੍ਰਤੀ ਆਪਣੇ ਜਨੂਨ ਨੂੰ ਵੀ ਉਨ੍ਹਾਂ ਨੇ ਇਸ ਦਾ ਹਿੱਸਾ ਦੱਸਿਆ। ਮਹੇਸ਼ ਭੱਟ (Mahesh Bhatt) ਨੇ ਸਮਝਾਇਆ ਕਿ ਅਦਾਕਾਰਾਂ ਨਾਲ ਕੰਮ ਕਰਨ ਦੀ ਉਨ੍ਹਾਂ ਦੀ ਅਪਰੋਚ ਜਾਦੂਈ ਨਹੀਂ ਹੈ ਪਰ ਪ੍ਰਮਾਣਿਕ ਰਿਸ਼ਤਿਆਂ ਵਿੱਚ ਜੜ੍ਹੀ ਹੋਈ ਹੈ। ਭੱਟ ਲਈ, ਕਲਾ ਜੀਵਨ ਦਾ ਪ੍ਰਤੀਬਿੰਬ ਹੈ, ਅਤੇ ਉਨ੍ਹਾਂ ਦੀਆਂ ਫ਼ਿਲਮਾਂ ਨਿੱਜੀ ਅਨੁਭਵਾਂ ਤੋਂ ਪੈਦਾ ਹੁੰਦੀਆਂ ਹਨ।
ਭੱਟ ਨੂੰ ਅਨੁਪਮ ਖੇਰ ਸਮੇਤ ਬਾਲੀਵੁੱਡ ਵਿੱਚ ਕਈ ਪ੍ਰਤਿਭਾਵਾਂ ਨੂੰ ਲਾਂਚ ਕਰਨ ਦਾ ਸਿਹਰਾ ਜਾਂਦਾ ਹੈ। ਮਹੇਸ਼ ਭੱਟ (Mahesh Bhatt) ਨੇ ਆਪਣੀ ਸਫਲਤਾ ‘ਤੇ ਮਾਣ ਜ਼ਾਹਿਰ ਕਰਦੇ ਹੋਏ, ਜ਼ਿਕਰ ਕੀਤਾ ਕਿ ਅਨੁਪਮ ਖੇਰ ਤੋਂ ਗੁਰੂ ਦੱਛਣਾ ਲੈਣਾ ਮੇਰਾ ਹੱਕ ਹੈ। ਜਿੰਨੀ ਸ਼ਾਂਤੀ ਮੈਨੂੰ ਉਨ੍ਹਾਂ ਨੂੰ ਗੁਰੂ ਦੱਛਣਾ ਦੇਣ ਵੇਲੇ ਮਿਲਦੀ ਹੈ, ਉਸ ਤੋਂ ਵੱਧ ਮੈਨੂੰ ਗੁਰੂ ਦੱਛਣਾ ਲੈਣ ਵੇਲੇ ਮਿਲਦੀ ਹੈ। ਬਹੁਤ ਖ਼ੁਸ਼ੀ ਹੁੰਦੀ ਹੈ ਜਦੋਂ ਚੇਲਾ ਸਫਲ ਹੋ ਜਾਂਦਾ ਹੈ। ਅਨੁਪਮ ਨੇ ਕਰੀਬ 500 ਫ਼ਿਲਮਾਂ ‘ਚ ਕੰਮ ਕੀਤਾ ਹੈ। ਉਸ ਨੇ ਇੱਕ ਬਹੁਤ ਹੀ ਖ਼ੂਬਸੂਰਤ ਮਿੰਨੀ ਫ਼ਿਲਮ ‘ਆਈ ਵੈਂਟ ਸ਼ਾਪਿੰਗ ਫ਼ਾਰ ਰੌਬਰਟ ਡੀ ਨੀਰੋ’ ਦਾ ਨਿਰਮਾਣ ਅਤੇ ਨਿਰਦੇਸ਼ਨ ਕੀਤਾ ਹੈ। ਮਹੇਸ਼ ਭੱਟ (Mahesh Bhatt) ਨੇ ਖੇਰ ਦੁਆਰਾ ਨਿਭਾਏ ਸਾਰਾਂਸ਼ ਵਿੱਚ ਬੀ.ਵੀ. ਪ੍ਰਧਾਨ ਦੇ ਕਿਰਦਾਰ ਦੀ ਪ੍ਰਸ਼ੰਸਾ ਵੀ ਕੀਤੀ।
ਕਈਆਂ ਨੇ ਮਹੇਸ਼ ਭੱਟ (Mahesh Bhatt) ਤੋਂ ਨਿਰਦੇਸ਼ਨ ਦੇ ਗੁਰ ਸਿੱਖੇ ਹਨ, ਜਦੋਂ ਉਨ੍ਹਾਂ ਨੂੰ ਆਪਣੇ ਕਿਸੇ ਮਨਪਸੰਦ ਚੇਲੇ ਦਾ ਨਾਮ ਪੁੱਛਿਆ ਗਿਆ, ਤਾਂ ਭੱਟ ਨੇ ਇਹ ਕਹਿੰਦੇ ਹੋਏ ਇਨਕਾਰ ਕਰ ਦਿੱਤਾ ਕਿ ਜਿਸ ਵਿਅਕਤੀ ਨਾਲ ਉਹ ਕੰਮ ਕਰਦੇ ਹਨ, ਉਸ ਦਾ ਆਪਣਾ ਵਿਲੱਖਣ ਗੁਣ ਹੁੰਦਾ ਹੈ। ਮਹੇਸ਼ ਭੱਟ (Mahesh Bhatt) ਨੇ ਮੋਹਿਤ ਸੂਰੀ, ਵਿਕਰਮ ਭੱਟ, ਅਤੇ ਅਨੁਰਾਗ ਬਾਸੂ ਵਰਗੇ ਨਾਵਾਂ ਦਾ ਜ਼ਿਕਰ ਕੀਤਾ, ਉਨ੍ਹਾਂ ਦੀ ਸਫਲਤਾ ਦਾ ਸਿਹਰਾ ਉਨ੍ਹਾਂ ਦੀ ਆਪਣੀ ਪ੍ਰਤਿਭਾ ਨੂੰ ਦਿੰਦੇ ਹੋਏ, ਉਨ੍ਹਾਂ ਦੇ ਆਪਣੇ ਆਪ ਨੂੰ ਸਿਰਫ਼ ਇੱਕ ਗਾਈਡ ਕਿਹਾ।
ਅਰਥ ਅਤੇ ਜ਼ਖਮ ਵਰਗੀਆਂ ਆਪਣੀਆਂ ਜ਼ਮੀਨੀ ਪੱਧਰ ਵਾਲੀਆਂ ਫ਼ਿਲਮਾਂ ਦੇ ਵਿਸ਼ੇ ‘ਤੇ, ਭੱਟ ਨੇ ਸਮਝਾਇਆ ਕਿ ਉਹ ਗੂੰਜਦੀਆਂ ਹਨ ਕਿਉਂਕਿ ਉਹ ਜ਼ਿੰਦਗੀ ਦੀ ਸਚਾਈ ‘ਤੇ ਆਧਾਰਿਤ ਹਨ। ਮਹੇਸ਼ ਭੱਟ (Mahesh Bhatt) ਦਾ ਮੰਨਣਾ ਹੈ ਕਿ ਰੂਹ ਤੋਂ ਬੋਲਣ ਵਾਲਾ ਸਿਨੇਮਾ ਹਮੇਸ਼ਾ ਕਾਇਮ ਰਹੇਗਾ। ਜਦੋਂ ਪੁੱਛਿਆ ਗਿਆ ਕਿ ਸਿਨੇਮਾ ਉਨ੍ਹਾਂ ਲਈ ਕੀ ਹੈ ਤਾਂ ਉਨ੍ਹਾਂ ਨੇ ਜਵਾਬ ਦਿੱਤਾ ਗਿਆ ਮੇਰੀ ਮਾਂ ਮੈਨੂੰ ਕਹਿੰਦੀ ਸੀ ਕਿ ਪੈਸੇ ਕਮਾ ਕੇ ਆ ਜਾ, ਨਹੀਂ ਤਾਂ ਨਾ ਆਵੀਂ।
ਜਦੋਂ ਮੈਂ ਪੈਸੇ ਕਮਾਉਣ ਲਈ ਨਿਕਲਿਆ ਤਾਂ ਮੈਨੂੰ ਸੰਘਰਸ਼ ਦਾ ਸਾਹਮਣਾ ਕਰਨਾ ਪਿਆ। ਇਸ ਸਮੇਂ ਦੌਰਾਨ ਸਿਨੇਮਾ ਦੀ ਸਮਝ ਉੱਭਰ ਕੇ ਸਾਹਮਣੇ ਆਈ। ਮੇਰੇ ਕੋਲ ਕਹਾਣੀ ਸੁਣਾਉਣ ਦੀ ਪ੍ਰਤਿਭਾ ਸੀ, ਜੋ ਬਾਅਦ ਵਿੱਚ ਕੰਮ ਆਈ। ਅਸੀਂ ਆਪਣੀ ਜ਼ਿੰਦਗੀ ਵਿਚ ਕੁੱਝ ਫ਼ਿਲਮਾਂ ਬਣਾਈਆਂ ਜੋ ਸਾਡੀ ਨਿੱਜੀ ਜ਼ਿੰਦਗੀ ਤੋਂ ਪ੍ਰਭਾਵਿਤ ਸਨ।
ਆਪਣੀ ਗੱਲਬਾਤ ਦਾ ਅੰਤ ਕਰਦੇ ਹੋਏ ਮਹੇਸ਼ ਭੱਟ (Mahesh Bhatt) ਨੇ ਕਿਹਾ ਕਿ ਜ਼ਿੰਦਗੀ ਨੂੰ ਆਪਣੀਆਂ ਸ਼ਰਤਾਂ ‘ਤੇ ਜੀਓ। ਆਪਣੀ ਸੋਚ ਕਿਸੇ ‘ਤੇ ਨਾ ਥੋਪੋ ਅਤੇ ਨਾ ਹੀ ਕਿਸੇ ਦੀ ਸੋਚ ‘ਤੇ ਚੱਲੋ। ਜਿਸ ਤਰ੍ਹਾਂ ਅਸੀਂ ਟ੍ਰੈਫਿਕ ਸਿਗਨਲ ਦੇ ਨਿਯਮਾਂ ਦੀ ਪਾਲਨਾ ਕਰਦੇ ਹਾਂ, ਉਸੇ ਤਰ੍ਹਾਂ ਸਮਾਜ ਦੇ ਨਿਯਮਾਂ ਦੇ ਅੰਦਰ ਰਹਿ ਕੇ ਉਸ ਦੇ ਨਿਯਮਾਂ ਦੀ ਪਾਲਨਾ ਕਰੋ। ਹਮੇਸ਼ਾ ਯਾਦ ਰੱਖੋ ਕਿ ਜੋ ਕੁੱਝ ਵੀ ਜੰਮਦਾ ਹੈ ਉਹ ਨਾਸ ਵੀ ਹੁੰਦਾ ਹੈ। ਇਹ ਕੇਵਲ ਜੀਵਨ ਦਾ ਇੱਕ ਸੁੰਦਰ ਫ਼ਲਸਫ਼ਾ ਹੈ।
ਤੁਹਾਨੂੰ ਦਸ ਦੇਈਏ ਕਿ ਮਹੇਸ਼ ਭੱਟ (Mahesh Bhatt) ‘ਮੈਨੇ ਦਿਲ ਸੇ ਕਹਾ’ ਨਾਂ ਦਾ ਇੱਕ ਪੋਡਕਾਸਟ ਸ਼ੁਰੂ ਕਰਨ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ “ਜੋ ਲੋਕ ਆਪਣੀ ਜ਼ਿੰਦਗੀ ਬਾਰੇ ਖੁੱਲ੍ਹ ਕੇ ਗੱਲ ਕਰਦੇ ਹਨ ਅਤੇ ਸਮਝਦੇ ਹਨ, ਉਨ੍ਹਾਂ ਨੂੰ ਇਸ ਸ਼ੋਅ ‘ਚ ਬੁਲਾਇਆ ਜਾਵੇਗਾ। ਇਹ ਜ਼ਰੂਰੀ ਨਹੀਂ ਕਿ ਉਹ ਮਨੋਰੰਜਨ, ਖੇਡਾਂ ਜਾਂ ਕਾਰਪੋਰੇਟ ਦੀ ਦੁਨੀਆ ਤੋਂ ਹੋਣ। ਉਹ ਕਿਸੇ ਵੀ ਖੇਤਰ ਤੋਂ ਹੋ ਸਕਦੇ ਹਨ।”
