ਪਿਤਾ ਦਿੱਗਜ ਬੱਲੇਬਾਜ਼, ਬੇਟੇ ਨੇ FC ਡੈਬਿਊ ਵਿੱਚ ਗੇਂਦਬਾਜ਼ੀ ‘ਚ ਕੀਤਾ ਕਮਾਲ, ਬਿਨਾਂ ਕੋਈ ਰਨ ਦਿੱਤੇ ਪਹਿਲੇ ਓਵਰ ਵਿੱਚ ਲਿਆ ਇੱਕ ਵਿਕਟ

ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਰਾਹੁਲ ਦ੍ਰਾਵਿੜ ਦੇ ਪੁੱਤਰ ਨੇ ਭਾਰਤ ਦੀ ਅੰਡਰ-19 ਟੀਮ ‘ਚ ਜਗ੍ਹਾ ਬਣਾਈ, ਜਦਕਿ ਇੰਗਲੈਂਡ ਦੇ ਸਾਬਕਾ ਕਪਤਾਨ ਦੇ ਪੁੱਤਰ ਨੇ ਆਪਣੇ ਪਹਿਲੇ ਦਰਜੇ ਦੇ ਡੈਬਿਊ ‘ਤੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਸੋਸ਼ਲ ਮੀਡੀਆ ‘ਤੇ ਆਪਣੀਆਂ ਪੋਸਟਾਂ ਕਾਰਨ ਅਕਸਰ ਸੁਰਖੀਆਂ ‘ਚ ਰਹਿਣ ਵਾਲੇ ਮਾਈਕਲ ਵਾਨ ਇਕ ਸ਼ਾਨਦਾਰ ਬੱਲੇਬਾਜ਼ ਸਨ। ਕਮਾਲ ਦੀ ਗੱਲ ਇਹ ਹੈ ਕਿ ਪਿਤਾ ਦੇ ਉਲਟ ਉਨ੍ਹਾਂ ਦਾ ਬੇਟਾ ਆਰਚੀ ਵਾਨ ਆਪਣੀ ਗੇਂਦਬਾਜ਼ੀ ਨਾਲ ਸੁਰਖੀਆਂ ਬਟੋਰ ਰਿਹਾ ਹੈ। ਸਮਰਸੈੱਟ ਲਈ ਪਹਿਲੇ ਦਰਜੇ ਦੇ ਡੈਬਿਊ ਮੈਚ ‘ਚ ਗੇਂਦਬਾਜ਼ੀ ਕਰਦੇ ਹੋਏ ਇਸ ਖਿਡਾਰੀ ਨੇ ਬਿਨਾਂ ਕੋਈ ਰਨ ਦਿੱਤੇ ਪਹਿਲੇ ਹੀ ਓਵਰ ‘ਚ ਵਿਕਟ ਲਈ।

ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਦੇ ਬੇਟੇ ਆਰਚੀ ਨੇ ਲਿਸਟ ਏ ਕ੍ਰਿਕਟ ‘ਚ ਖੇਡਣ ਤੋਂ ਬਾਅਦ ਹੁਣ ਪਹਿਲੀ ਸ਼੍ਰੇਣੀ ਕ੍ਰਿਕਟ ‘ਚ ਡੈਬਿਊ ਕੀਤਾ ਹੈ। ਕਾਊਂਟੀ ਕ੍ਰਿਕਟ ‘ਚ ਸਮਰਸੈੱਟ ਲਈ ਆਪਣਾ ਪਹਿਲਾ ਮੈਚ ਖੇਡਣ ਵਾਲੇ ਇਸ ਨੌਜਵਾਨ ਨੇ ਪਹਿਲੇ ਹੀ ਓਵਰ ‘ਚ ਟੀਮ ਲਈ ਵਿਕਟ ਲੈ ਲਈ। ਹਾਲਾਂਕਿ ਇਸ ਤੋਂ ਬਾਅਦ ਵੀ ਉਸ ਨੇ ਤਿੰਨ ਓਵਰ ਸੁੱਟੇ ਪਰ ਕੋਈ ਸਫਲਤਾ ਨਹੀਂ ਮਿਲੀ। ਆਰਚੀ ਨੋ ਡਰਹਮ ਦੇ ਖਿਲਾਫ ਗੇਂਦਬਾਜ਼ੀ ਕਰਦੇ ਹੋਏ, ਉਸਨੇ 4 ਓਵਰਾਂ ਵਿੱਚ 24 ਦੌੜਾਂ ਦਿੱਤੀਆਂ ਅਤੇ 1 ਵਿਕਟ ਲਿਆ।

ARCHIE VAUGHAN HAS A WICKET IN HIS FIRST OVER IN FIRST-CLASS CRICKET!!!! #SOMvDUR#WeAreSomerset pic.twitter.com/hH0DCCsMvn

— Somerset Cricket 🏆 (@SomersetCCC) August 30, 2024

ਡੇਬਿਊ ‘ਤੇ ਮੇਡਨ ਓਵਰ ਅਤੇ ਵਿਕਟ
ਸਮਰਸੈਟ ਲਈ ਆਪਣੀ ਪਹਿਲੀ ਸ਼੍ਰੇਣੀ ਦੀ ਸ਼ੁਰੂਆਤ ਕਰਦੇ ਹੋਏ, ਆਰਚੀ ਵਾਨ ਨੇ ਪਹਿਲੇ ਹੀ ਓਵਰ ਵਿੱਚ ਇੱਕ ਵਿਕਟ ਲੈ ਕੇ ਇਸ ਨੂੰ ਯਾਦਗਾਰ ਬਣਾ ਦਿੱਤਾ। ਉਸ ਨੇ ਡਰਹਮ ਦੇ ਖਿਲਾਫ ਪਹਿਲੇ ਓਵਰ ਦੀਆਂ ਪਹਿਲੀਆਂ 5 ਗੇਂਦਾਂ ‘ਤੇ ਕੋਈ ਦੌੜ ਨਹੀਂ ਦਿੱਤੀ ਅਤੇ ਆਖਰੀ ਗੇਂਦ ‘ਤੇ ਵਿਕਟ ਲਈ। ਸਲਾਮੀ ਬੱਲੇਬਾਜ਼ ਬੇਨ ਮੈਕਿੰਨੀ 15 ਦੌੜਾਂ ਬਣਾ ਕੇ ਖੇਡਦੇ ਹੋਏ ਵਿਕਟ ਦੇ ਸਾਹਮਣੇ ਫਸ ਗਏ ਅਤੇ ਪਹਿਲੀ ਵਿਕਟ ਐੱਲ.ਬੀ.ਡਬਲਿਊ ਲਈ ।

ਸਮਰਸੈਟ ਦੀ ਸਥਿਤੀ ਮਜ਼ਬੂਤ
ਸਮਰਸੈੱਟ ਨੇ ਪਹਿਲੀ ਪਾਰੀ ‘ਚ ਟਾਮ ਅਬੇਲ ਅਤੇ ਵਿਕਟਕੀਪਰ ਜੇਮਸ ਰੀਯੂ ਦੇ ਸੈਂਕੜਿਆਂ ਦੇ ਆਧਾਰ ‘ਤੇ 492 ਦੌੜਾਂ ਬਣਾਈਆਂ, ਜਦਕਿ ਦੂਜੀ ਪਾਰੀ 5 ਵਿਕਟਾਂ ‘ਤੇ 263 ਦੌੜਾਂ ‘ਤੇ ਐਲਾਨੀ ਗਈ। ਡਰਹਮ ਦੀ ਟੀਮ ਪਹਿਲੀ ਪਾਰੀ ‘ਚ 336 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਸੀ। ਸਮਰਸੈਟ ਨੇ ਟੀਮ ਨੂੰ ਜਿੱਤ ਲਈ 420 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ‘ਤੇ ਡਰਹਮ ਨੇ ਦੂਜੀ ਪਾਰੀ ‘ਚ 15 ਦੌੜਾਂ ‘ਤੇ 3 ਵਿਕਟਾਂ ਗੁਆ ਦਿੱਤੀਆਂ ਸਨ।