ਲੀਵਰ ਦੇ ਸਭ ਤੋਂ ਵੱਡੇ ਡਾਕਟਰ ਨੇ ਦੱਸਿਆ ਕਿ ਇਨ੍ਹਾਂ 3 ਚੀਜ਼ਾਂ ਨਾਲ ਖਰਾਬ ਹੁੰਦਾ ਹੈ ਲੀਵਰ,ਧਿਆਨ ਦੇਣ ਲੀਵਰ ਦੇ ਮਰੀਜ਼…

ਲੀਵਰ ਸਾਡੇ ਸਰੀਰ ਦਾ ਬਹੁਤ ਹੀ ਅਹਿਮ ਹਿੱਸਾ ਹੈ। ਇਹ ਭੋਜਨ ਨੂੰ ਪਚਾਉਣ ਵਿਚ ਮਦਦ ਕਰਦਾ ਹੈ। ਲਿਵਰ ਦੀ ਸਮੱਸਿਆ ਦਾ ਪ੍ਰਭਾਵ ਸਾਡੀ ਸਮੁੱਚੀ ਸਿਹਤ ਉੱਤੇ ਪੈਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਲਿਵਰ ਨੂੰ ਕਿਵੇਂ ਸਿਹਤਮੰਦ ਰੱਖਿਆ ਜਾ ਸਕਦਾ ਹੈ। ਲਿਵਰ ਨੂੰ ਕਿਹੜੀਆਂ ਚੀਜ਼ਾਂ ਨੁਕਸਾਨ ਪਹੁੰਚਾਉਂਦੀਆਂ ਹਨ। ਡਾ. ਐਸਕੇ ਸਰੀਨ, ਇੰਸਟੀਚਿਊਟ ਆਫ਼ ਲਿਵਰ ਐਂਡ ਬਿਲਰੀ ਸਾਇੰਸਜ਼, ਨਵੀਂ ਦਿੱਲੀ ਦੇ ਡਾਇਰੈਕਟਰ, ਦੇਸ਼ ਦੇ ਮਹਾਨ ਜਿਗਰ ਡਾਕਟਰਾਂ ਵਿੱਚੋਂ ਇੱਕ ਹਨ। ਆਓ ਉਹਨਾਂ ਤੋਂ ਜਾਣਦੇ ਹਾਂ ਇਸ ਸੰਬੰਧੀ ਡਿਟੇਲ-

ਦਰਅਸਲ ਡਾ. ਸਰੀਨ ਨੇ ਲਲਨਟੋਪ ਵਿਚ ਗੱਲਬਾਤ ਕਰਦਿਆਂ ਲਿਵਰ ਸਬੰਧੀ ਕਈ ਰਾਜ਼ ਖੋਲ੍ਹੇ | ਉਨ੍ਹਾਂ ਕਿਹਾ ਕਿ ਕੁਝ ਮਾੜੀਆਂ ਆਦਤਾਂ ਲਿਵਰ ਨੂੰ ਭਾਰੀ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਡਾ. ਸਰੀਨ ਨੇ ਸਿਹਤਮੰਦ ਲਿਵਰ ਅਤੇ ਸਿਹਤਮੰਦ ਜੀਵਨ ਲਈ ਚਾਰ ਤਰ੍ਹਾਂ ਦੀਆਂ ਲਾਈਫਲਾਈਨਾਂ ਅਪਣਾਉਣ ਲਈ ਕਿਹਾ।

ਕਿਹੜੀਆਂ ਦਵਾਈਆਂ ਪਹੁੰਚਾਉਂਦੀਆਂ ਹਨ ਲਿਵਰ ਨੂੰ ਨੁਕਸਾਨ

ਡਾਕਟਰ ਸਰੀਨ ਨੇ ਦੱਸਿਆ ਕਿ ਜਦੋਂ ਵੀ ਸਾਡਾ ਥੋੜ੍ਹਾ ਜਿਹਾ ਸਿਰਦਰਦ ਹੁੰਦਾ ਹੈ ਤਾਂ ਅਸੀਂ ਦਰਦ ਨਿਵਾਰਕ ਦਵਾਈਆਂ ਲੈਂਦੇ ਹਾਂ। ਇਸਦੇ ਨਾਲ ਹੀ ਅਸੀਂ ਥੋੜੀ ਜਿਹੀ ਸਮੱਸਿਆ ਹੋਣ ਉਪਰੰਤ, ਇਨਫੈਕਸ਼ਨ ਦੇ ਡਰੋ ਐਂਟੀਬਾਇਓਟਿਕਸ ਵੀ ਤਰੁੰਤ ਹੀ ਲੈ ਲੈਂਦੇ ਹਾਂ। ਇਹ ਦਵਾਈਆਂ ਸਾਡੇ ਲਿਵਰ ਲਈ ਬਹੁਤ ਹੀ ਨੁਕਸਾਨਦਾਇਕ ਹਨ। ਇਹਨਾਂ ਨੂੰ ਲਗਾਤਾਰ ਲੈਣ ਨਾਲ ਸਾਡਾ ਲਿਵਰ ਖਰਾਬ ਵੀ ਹੋ ਸਕਦੇ ਹੈ। ਉਹਨਾਂ ਦੱਸਿਆ ਕਿ ਪੇਨਕਿਲਰ ਤੇ ਐਟੀਬਾਇਓਟਿਕਸ ਤੋਂ ਇਲਾਵਾ ਟੀਬੀ ਦੀਆਂ ਦਵਾਈਆਂ ਵੀ ਲਿਵਰ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ।

ਇਸਦੇ ਨਾਲ ਹੀ ਉਹਨਾਂ ਕਿਹਾ ਕਿ ਥੋੜੀ ਜਿਹੀ ਕੋਈ ਸਰੀਰਕ ਸਮੱਸਿਆ ਹੋਣ ਉਪਰੰਤ ਤਰੁੰਤ ਦਵਾਈ ਨਹੀਂ ਖਾਣੀ ਚਾਹੀਦੀ। ਸਾਡੇ ਸਰੀਰ ਵਿਚ ਸਮੱਸਿਆ ਨੂੰ ਠੀਕ ਕਰਨ ਦੀ ਸਮਰੱਥਾ ਹੁਦੀ ਹੈ। ਵਧੇਰੇ ਦਵਾਈਆਂ ਖਾਣ ਦੀ ਬਜਾਇ ਤੁਹਾਨੂੰ ਆਪਣੀ ਜੀਵਨਸ਼ੈਲੀ ਵਿਚ ਸੁਧਾਰ ਕਰਨੇ ਚਾਹੀਦੇ ਹਨ। ਕਿਸੇ ਵੀ ਸਮੱਸਿਆ ਵਿਚ ਪਹਿਲਾਂ ਇੱਛਾ ਸ਼ਕਤੀ ਤੋਂ ਕੰਮ ਲੈਣਾ ਚਾਹੀਦਾ ਹੈ। ਕਈ ਵਾਰ ਤੁਹਾਨੂੰ ਦਵਾਈ ਲੈਣ ਦੀ ਲੋੜ ਹੀ ਨਹੀਂ ਪੈਂਦੀ।

ਅਪਣਾਓ ਇਹ 4 ਲਾਇਫਲਾਇਨ

ਸਿਹਤਮੰਦ ਭੋਜਨ– ਡਾ. ਸਰੀਨ ਨੇ ਦੱਸਿਆ ਕਿ ਪਹਿਲੀ ਲਾਇਫਲਾਇਨ ਤੁਹਾਡੀ ਖੁਰਾਕ ਅਤੇ ਭਾਰ ਹੈ। ਜੇਕਰ ਤੁਸੀਂ ਸਿਹਤਮੰਦ ਭੋਜਨ ਖਾਂਦੇ ਹੋ। ਜੇਕਰ ਤੁਸੀਂ ਹਰੀਆਂ ਪੱਤੇਦਾਰ ਸਬਜ਼ੀਆਂ, ਸਾਬਤ ਅਨਾਜ, ਤਾਜ਼ੇ ਫਲ, ਬੀਜ, ਸੁੱਕੇ ਮੇਵੇ ਆਦਿ ਦਾ ਰੋਜ਼ਾਨਾ ਸੇਵਨ ਕਰਦੇ ਹੋ ਤਾਂ ਜ਼ਿਆਦਾਤਰ ਬੀਮਾਰੀਆਂ ਆਪਣੇ-ਆਪ ਦੂਰ ਹੋ ਜਾਣਗੀਆਂ।

ਕਸਰਤ– ਡਾ. ਸਰੀਨ ਨੇ ਦੱਸਿਆ ਕਿ ਦੂਜੀ ਲਾਇਫਲਾਇਨ ਕਸਰਤ ਹੈ। ਜੇਕਰ ਤੁਸੀਂ ਨਿਯਮਤ ਕਸਰਤ ਕਰਦੇ ਹੋ, ਤਾਂ ਤੁਹਾਡਾ ਲਿਵਰ ਮਜ਼ਬੂਤ ​​ਰਹੇਗਾ ਅਤੇ ਤੁਸੀਂ ਸਿਹਤਮੰਦ ਵੀ ਰਹੋਗੇ। ਇਸ ਲਈ ਕਸਰਤ ਨੂੰ ਰੋਜ਼ਾਨਾ ਜੀਵਨ ਵਿਚ ਅਪਣਾਉਣਾ ਲਾਜ਼ਮੀ ਹੈ।

ਜੀਵਨਸ਼ੈਲੀ– ਡਾ. ਸਰੀਨ ਨੇ ਦੱਸਿਆ ਕਿ ਤੀਜੀ ਲਾਈਫਲਾਈਨ ਤੁਹਾਡੀ ਜੀਵਨਸ਼ੈਲੀ ਹੈ। ਤੁਸੀਂ ਕਦੋਂ ਸੌਂਦੇ ਹੋ, ਕਦੋਂ ਜਾਗਦੇ ਹੋ, ਤੁਸੀਂ ਕਿਵੇਂ ਸੌਂਦੇ ਹੋ, ਇਹ ਚੀਜ਼ਾਂ ਵੀ ਸਿਹਤ ਉੱਤੇ ‘ਤੇ ਅਸਰ ਪਾਉਂਦੀਆਂ ਹਨ। ਸਿਹਤਮੰਦ ਲਿਵਰ ਅਤੇ ਸਿਹਤਮੰਦ ਜੀਵਨ ਲਈ ਚੰਗੀ ਗੁਣਵੱਤਾ ਦੀ ਨੀਂਦ ਜ਼ਰੂਰੀ ਹੈ। ਇਸ ਲਈ ਤੁਹਾਨੂੰ ਕਿ ਸਿਹਤਮੰਦ ਜੀਵਨਸ਼ੈਲੀ ਅਪਣਾਉਣੀ ਚਾਹੀਦੀ ਹੈ।

ਦਵਾਈ– ਡਾ: ਸਰੀਨ ਨੇ ਦੱਸਿਆ ਕਿ ਦਵਾਈ ਜੀਵਨ ਲਈ ਚੌਥੀ ਲਾਇਫਲਾਇਨ ਹੈ। ਜੇਕਰ ਤੁਸੀਂ ਪਹਿਲੀਆਂ ਤਿੰਨ ਲਾਈਫਲਾਈਨਾਂ ਦੀ ਸਹੀ ਵਰਤੋਂ ਕਰਦੇ ਹੋ ਤਾਂ ਚੌਥੀ ਲਾਈਫਲਾਈਨ ‘ਤੇ ਆਉਣ ਦੀ ਲੋੜ ਨਹੀਂ ਪਵੇਗੀ। ਪਰ ਜੇ ਇਹ ਆਉਂਦੀ ਹੈ, ਤਾਂ ਆਖਰੀ ਵਿਕਲਪ ਵਜੋਂ ਦਵਾਈ ਦੀ ਵਰਤੋਂ ਕਰੋ।

ਉੱਪਰ ਦਿੱਤੇ ਤੱਥ-ਜਾਣਕਾਰੀ ਆਮ ਜਾਣਕਾਰੀ ‘ਤੇ ਅਧਾਰਿਤ ਹਨ। ਨਿਊਜ਼ 18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲਵੋ।