ਪੰਜਾਬ ਨੈਸ਼ਨਲ ਬੈਂਕ ਸਣੇ ਇਨ੍ਹਾਂ 5 ਬੈਂਕਾਂ ਨੇ FD ‘ਤੇ ਵਧਾਈਆਂ ਵਿਆਜ ਦਰਾਂ, ਜਾਣੋ ਕਿੰਨਾ ਹੋਵੇਗਾ ਲਾਭ
FD Interest Rate: ਭਾਰਤੀ ਰਿਜ਼ਰਵ ਬੈਂਕ (RBI) ਦੀ ਮੁਦਰਾ ਨੀਤੀ ਕਮੇਟੀ (MPC) ਦੀ ਮੀਟਿੰਗ 7 ਫਰਵਰੀ ਨੂੰ ਹੋਣੀ ਹੈ। ਰੈਪੋ ਰੇਟ ਬਾਰੇ ਫੈਸਲਾ ਇਸ ਮੀਟਿੰਗ ਵਿੱਚ ਲਿਆ ਜਾਵੇਗਾ। ਆਰਬੀਆਈ ਦੀ ਇਸ ਮੀਟਿੰਗ ਤੋਂ ਪਹਿਲਾਂ ਦੇਸ਼ ਦੇ ਕਈ ਬੈਂਕਾਂ ਨੇ ਆਪਣੇ ਫਿਕਸਡ ਡਿਪਾਜ਼ਿਟ (ਐਫਡੀ) ਦੀਆਂ ਵਿਆਜ ਦਰਾਂ ਵਿੱਚ ਬਦਲਾਅ ਕੀਤਾ ਹੈ। ਜਨਵਰੀ ਵਿੱਚ, ਯੂਨੀਅਨ ਬੈਂਕ, ਪੀਐਨਬੀ, ਐਕਸਿਸ ਬੈਂਕ, ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ, ਕਰਨਾਟਕ ਬੈਂਕ ਅਤੇ ਫੈਡਰਲ ਬੈਂਕ ਨੇ ਐਫਡੀ ‘ਤੇ ਨਵੀਆਂ ਦਰਾਂ ਲਾਗੂ ਕੀਤੀਆਂ ਹਨ।
ਇਹ ਨਵਾਂ ਬਦਲਾਅ ਆਮ ਨਾਗਰਿਕਾਂ ਦੇ ਫਿਕਸਡ ਡਿਪਾਜ਼ਿਟ ‘ਤੇ ਲਾਗੂ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਫਿਕਸਡ ਡਿਪਾਜ਼ਿਟ (FD) ਇੱਕ ਸੁਰੱਖਿਅਤ ਅਤੇ ਲਾਭਦਾਇਕ ਨਿਵੇਸ਼ ਵਿਕਲਪ ਹੈ। ਫਿਕਸਡ ਡਿਪਾਜ਼ਿਟ ਵਿੱਚ ਨਿਵੇਸ਼ ‘ਤੇ ਪਹਿਲਾਂ ਤੋਂ ਸਥਿਰ ਵਿਆਜ ਪ੍ਰਾਪਤ ਹੁੰਦਾ ਹੈ, ਇਸ ਵਿੱਚ, ਬੈਂਕ ਵਿੱਚ ਜਮ੍ਹਾ ਰਕਮ ਨੂੰ ਇੱਕ ਨਿਸ਼ਚਿਤ ਸਮੇਂ ਲਈ ਰੱਖਣ ‘ਤੇ ਗਾਰੰਟੀਸ਼ੁਦਾ ਰਿਟਰਨ ਪ੍ਰਾਪਤ ਹੁੰਦਾ ਹੈ। ਇਹ ਉਨ੍ਹਾਂ ਲਈ ਇੱਕ ਚੰਗਾ ਵਿਕਲਪ ਹੈ ਜੋ ਆਪਣੀ ਬੱਚਤ ਨੂੰ ਸੁਰੱਖਿਅਤ ਰੱਖਦੇ ਹੋਏ ਉਸ ‘ਤੇ ਸਥਿਰ ਰਿਟਰਨ ਪ੍ਰਾਪਤ ਕਰਨਾ ਚਾਹੁੰਦੇ ਹਨ।
ਪੰਜਾਬ ਨੈਸ਼ਨਲ ਬੈਂਕ (PNB)
ਪੰਜਾਬ ਨੈਸ਼ਨਲ ਬੈਂਕ (PNB) ਨੇ 303 ਦਿਨਾਂ ਦੀ ਨਵੀਂ FD ਮਿਆਦ ਸ਼ੁਰੂ ਕੀਤੀ ਹੈ, ਜਿਸ ਵਿੱਚ 7 ਪ੍ਰਤੀਸ਼ਤ ਵਿਆਜ ਦਰ ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਜਦੋਂ ਕਿ ਆਮ ਨਾਗਰਿਕਾਂ ਨੂੰ 506 ਦਿਨਾਂ ਦੀ ਐਫਡੀ ਮਿਆਦ ਵਿੱਚ 6.7 ਪ੍ਰਤੀਸ਼ਤ ਵਿਆਜ ਦਰ ਦਿੱਤੀ ਜਾ ਰਹੀ ਹੈ। ਇਹ ਨਵੀਂ ਵਿਆਜ ਦਰ 1 ਜਨਵਰੀ ਤੋਂ ਲਾਗੂ ਹੋ ਗਈ ਹੈ। ਪੀਐਨਬੀ ਆਮ ਨਾਗਰਿਕਾਂ ਨੂੰ ਸੱਤ ਦਿਨਾਂ ਤੋਂ ਲੈ ਕੇ ਦਸ ਸਾਲ ਤੱਕ ਦੀ ਐਫਡੀ ‘ਤੇ 3.50 ਪ੍ਰਤੀਸ਼ਤ ਤੋਂ 7.25 ਪ੍ਰਤੀਸ਼ਤ ਤੱਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰਦਾ ਹੈ। 400 ਦਿਨਾਂ ਦੀ ਐਫਡੀ ‘ਤੇ ਸਭ ਤੋਂ ਵੱਧ ਵਿਆਜ ਦਰ 7.25 ਪ੍ਰਤੀਸ਼ਤ ਹੈ।
ਯੂਨੀਅਨ ਬੈਂਕ ਆਫ ਇੰਡੀਆ
ਯੂਨੀਅਨ ਬੈਂਕ ਆਫ਼ ਇੰਡੀਆ ਨੇ 3 ਕਰੋੜ ਰੁਪਏ ਤੋਂ ਘੱਟ ਦੇ ਫਿਕਸਡ ਡਿਪਾਜ਼ਿਟ (FD) ‘ਤੇ ਵਿਆਜ ਦਰਾਂ ਨੂੰ ਰਿਵਾਈਜ਼ ਕੀਤਾ ਹੈ। ਹੁਣ 7 ਦਿਨਾਂ ਤੋਂ 10 ਸਾਲ ਦੀ ਐਫਡੀ ਦੀ ਵਿਆਜ ਦਰ 3.5 ਪ੍ਰਤੀਸ਼ਤ ਤੋਂ ਵਧਾ ਕੇ 7.30 ਪ੍ਰਤੀਸ਼ਤ ਕਰ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ, ਆਮ ਨਾਗਰਿਕਾਂ ਲਈ, 456 ਦਿਨਾਂ ਲਈ 7.30 ਪ੍ਰਤੀਸ਼ਤ ਐਫਡੀ ਦੀ ਸਭ ਤੋਂ ਵੱਧ ਵਿਆਜ ਦਰ ਉਪਲਬਧ ਹੈ। ਇਹ ਨਵੀਆਂ ਦਰਾਂ 1 ਜਨਵਰੀ ਤੋਂ ਲਾਗੂ ਹੋ ਗਈਆਂ ਹਨ।
ਕਰਨਾਟਕ ਬੈਂਕ
ਕਰਨਾਟਕ ਬੈਂਕ ਨੇ ਆਪਣੀਆਂ ਫਿਕਸਡ ਡਿਪਾਜ਼ਿਟ (FD) ਵਿਆਜ ਦਰਾਂ ਨੂੰ ਰਿਵਾਈਜ਼ ਕੀਤਾ ਹੈ। ਬੈਂਕ ਹੁਣ ਆਮ ਨਾਗਰਿਕਾਂ ਨੂੰ 7 ਦਿਨਾਂ ਤੋਂ 10 ਸਾਲ ਦੀ ਐਫਡੀ ਦੀ ਮਿਆਦ ਲਈ 3.50 ਪ੍ਰਤੀਸ਼ਤ ਤੋਂ 7.50 ਪ੍ਰਤੀਸ਼ਤ ਤੱਕ ਵਿਆਜ ਦਿੰਦਾ ਹੈ। ਇਹ ਬੈਂਕ 375 ਦਿਨਾਂ ਲਈ ਸਭ ਤੋਂ ਵੱਧ 7.50 ਪ੍ਰਤੀਸ਼ਤ ਵਿਆਜ ਦਰ ਦੇ ਰਿਹਾ ਹੈ। ਇਹ ਨਵੀਆਂ ਦਰਾਂ 2 ਜਨਵਰੀ ਤੋਂ ਲਾਗੂ ਹੋ ਗਈਆਂ ਹਨ।
ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ (SFB)
ਸ਼ਿਵਾਲਿਕ ਸਮਾਲ ਫਾਈਨੈਂਸ ਬੈਂਕ (SFB) ਨੇ ਆਪਣੀਆਂ ਫਿਕਸਡ ਡਿਪਾਜ਼ਿਟ (FD) ਵਿਆਜ ਦਰਾਂ ਨੂੰ ਅਪਡੇਟ ਕੀਤਾ ਹੈ, ਜੋ 22 ਜਨਵਰੀ ਤੋਂ ਲਾਗੂ ਹਨ। ਆਮ ਨਾਗਰਿਕਾਂ ਲਈ, FD ‘ਤੇ ਵਿਆਜ ਦਰ 3.50 ਪ੍ਰਤੀਸ਼ਤ ਤੋਂ 8.80 ਪ੍ਰਤੀਸ਼ਤ ਤੱਕ ਹੋਵੇਗੀ, ਜਦੋਂ ਕਿ ਸੀਨੀਅਰ ਸਿਟੀਜ਼ਨ ਲਈ ਇਹ ਦਰ 4 ਪ੍ਰਤੀਸ਼ਤ ਤੋਂ 9.30 ਪ੍ਰਤੀਸ਼ਤ ਤੱਕ ਹੋਵੇਗੀ। ਬੈਂਕ ਨੇ ਇਹ ਜਾਣਕਾਰੀ ਆਪਣੀ ਵੈੱਬਸਾਈਟ ‘ਤੇ ਦਿੱਤੀ ਹੈ।
ਐਕਸਿਸ ਬੈਂਕ
ਐਕਸਿਸ ਬੈਂਕ ਨੇ 3 ਕਰੋੜ ਰੁਪਏ ਤੋਂ ਘੱਟ ਦੇ ਫੰਡਾਂ ਲਈ ਫਿਕਸਡ ਡਿਪਾਜ਼ਿਟ (FD) ਵਿਆਜ ਦਰਾਂ ਨੂੰ ਰਿਵਾਈਜ਼ ਕੀਤਾ ਹੈ। ਹੁਣ ਬੈਂਕ ਆਮ ਨਾਗਰਿਕਾਂ ਨੂੰ 7 ਦਿਨਾਂ ਤੋਂ 10 ਸਾਲ ਦੀ ਮਿਆਦ ‘ਤੇ 3 ਪ੍ਰਤੀਸ਼ਤ ਤੋਂ 7.25 ਪ੍ਰਤੀਸ਼ਤ ਤੱਕ ਵਿਆਜ ਦਰਾਂ ਪ੍ਰਦਾਨ ਕਰਦਾ ਹੈ। ਇਹ ਨਵੀਆਂ ਦਰਾਂ 27 ਜਨਵਰੀ ਤੋਂ ਲਾਗੂ ਹਨ।
