ਪਹਿਲੀ ਹੀ ਸੇਲ ‘ਚ ਬੰਪਰ ਡਿਸਕਾਊਂਟ, ਗੂਗਲ ਦੇ ਫੋਲਡੇਬਲ ਫੋਨ ‘ਤੇ ਮਿਲ ਰਿਹਾ 23,500 ਰੁਪਏ ਦਾ ਡਿਸਕਾਊਂਟ !
ਫੋਲਡੇਬਲ ਫੋਨ ਦੀ ਮੰਗ ਇਸ ਤਰ੍ਹਾਂ ਵੱਧ ਰਹੀ ਹੈ ਕਿ ਕਈ ਐਂਡਰਾਇਡ ਬਰਾਂਡ ਹੁਣ ਆਪਣੇ ਫੋਲਡੇਬਲ ਫੋਨ ਲਾਂਚ ਕਰ ਰਹੇ ਹਨ। ਤਾਜ਼ਾ ਉਦਾਹਰਣ ਵਿੱਚ ਪ੍ਰੀਮੀਅਮ ਫਲੈਗਸ਼ਿਪ Google ਪਿਕਸਲ ਵੱਲੋਂ ਫੋਲਡੇਬਲ ਫੋਨ Google ਪਿਕਸਲ 9 ਪ੍ਰੋ ਫੋਲਡ ਨੂੰ ਲਾਂਚ ਕੀਤਾ ਕੀਤਾ ਗਿਆ ਹੈ। ਇਸ ਫੋਨ ਦੇ ਲਾਂਚ ਹੋਣ ਤੋਂ ਬਾਅਦ ਅੱਜ, ਯਾਨੀ ਕਿ 4 ਸਤੰਬਰ ਦੇ ਦਿਨ ਇਸ ਨੂੰ ਪਹਿਲੀ ਵਾਰ ਸੇਲ ‘ਚ ਉਪਲੱਬਧ ਕਰਵਾਇਆ ਜਾ ਰਿਹਾ ਹੈ।
ਸੇਲ ਦੁਪਹਿਰ 12 ਵਜੇ ਸ਼ੁਰੂ ਹੋ ਗਈ ਹੈ ਅਤੇ ਗਾਹਕ ਇਸ ਵਿੱਚ ਖਾਸ ਆਫਰ ਦਾ ਫਾਇਦਾ ਲੈ ਸਕਦੇ ਹਨ। ਸੇਲ ਬੈਨਰ ‘ਤੇ ਲਿਖਿਆ ਹੈ ਕਿ ਜੇਕਰ ਗਾਹਕ ਫੋਨ ਖਰੀਦਣ ਲਈ ICICI ਬੈਂਕ ਦੀ ਵਰਤੋਂ ਕਰਦੇ ਹਨ, ਤਾਂ ਉਨ੍ਹਾਂ ਨੂੰ ਫੋਨ ‘ਤੇ 10,000 ਰੁਪਏ ਦਾ ਇੰਸਟੈਂਟ ਕੈਸ਼ਬੈਕ ਮਿਲੇਗਾ। ਇਸ ਤੋਂ ਇਲਾਵਾ ਐਕਸਚੇਂਜ ਆਫਰ ਦੇ ਤਹਿਤ ਫੋਨ ‘ਤੇ 13,500 ਰੁਪਏ ਦਾ ਡਿਸਕਾਊਂਟ ਵੀ ਮਿਲੇਗਾ। ਮਤਲਬ ਇਸ ‘ਤੇ 23,500 ਰੁਪਏ ਦਾ ਡਿਸਕਾਊਂਟ ਮਿਲੇਗਾ।
ਕੰਪਨੀ ਨੇ Google Pixel 9 Pro Fold ਨੂੰ 1,72,999 ਰੁਪਏ ‘ਚ ਲਾਂਚ ਕੀਤਾ ਹੈ ਪਰ ਸੇਲ ‘ਚ ਗਾਹਕ ਆਫਰ ਤੋਂ ਬਾਅਦ ਇਸ ਨੂੰ 1,49,499 ਰੁਪਏ ‘ਚ ਖਰੀਦ ਸਕਦੇ ਹਨ। Google ਦਾ ਦਾਅਵਾ ਹੈ ਕਿ ਨਵਾਂ ਪਿਕਸਲ ਫੋਲਡੇਬਲ ਪਿਛਲੀ ਪੀੜ੍ਹੀ ਦੇ ਫੋਨ ਨਾਲੋਂ ਪਤਲਾ ਅਤੇ ਹਲਕਾ ਹੈ। Google ਪਿਕਸਲ 9 ਪ੍ਰੋ ਫੋਲਡ ਦੀ ਕਵਰ ਸਕ੍ਰੀਨ 6.3 ਇੰਚ ਹੈ, ਜਿਸ ਦਾ ਐਸਪੈਕਟ ਰੇਸ਼ੋ 20:9 ਹੈ ਅਤੇ ਇਹ ਬੁੱਕ ਸਟਾਈਲ ਲੇਆਉਟ ਦੇ ਨਾਲ ਆਉਂਦਾ ਹੈ। ਇਸਦਾ ਮੇਨ ਡਿਸਪਲੇਅ 8 ਇੰਚ ਹੈ ਜਿਸ ਵਿੱਚ 120Hz ਰਿਫਰੈਸ਼ ਰੇਟ ਅਤੇ 2700 nits ਦੀ ਪੀਕ ਬ੍ਰਾਈਟਨੈੱਸ ਦੇ ਨਾਲ AMOLED LTPO ਪੈਨਲ ਹੈ।
Google Pixel 9 Pro Fold 16GB RAM ਅਤੇ 256GB/512GB ਸਟੋਰੇਜ ਵਿਕਲਪਾਂ ਦੇ ਨਾਲ Tensor G4 ਚਿੱਪਸੈੱਟ ਨਾਲ ਲੈਸ ਹੈ। Google ਪਿਕਸਲ 9 ਸੀਰੀਜ਼ ਨੂੰ ਐਂਡਰਾਇਡ 14 ਦੇ ਨਾਲ ਲਾਂਚ ਕਰ ਰਿਹਾ ਹੈ। ਕੈਮਰੇ ਦੀ ਗੱਲ ਕਰੀਏ ਤਾਂ ਫੋਲਡ ਵਿੱਚ ਪਿਛਲੇ ਪਾਸੇ ਇੱਕ ਟ੍ਰਿਪਲ ਕੈਮਰਾ ਸੈੱਟਅਪ ਹੈ, ਜਿਸ ਵਿੱਚ OIS + EIS ਦੇ ਨਾਲ ਇੱਕ 48-ਮੈਗਾਪਿਕਸਲ ਵਾਈਡ ਪ੍ਰਾਇਮਰੀ ਸੈਂਸਰ, ਇੱਕ 10.5-ਮੈਗਾਪਿਕਸਲ ਦਾ ਡਿਊਲ ਅਲਟਰਾਵਾਈਡ ਲੈਂਸ ਅਤੇ OIS + EIS ਨਾਲ ਇੱਕ 10.8-ਮੈਗਾਪਿਕਸਲ ਦਾ ਡਿਊਲ ਟੈਲੀਫੋਟੋ ਲੈਂਸ ਸ਼ਾਮਲ ਹੈ। ਫੋਨ ਦੇ ਫਰੰਟ ‘ਚ 10.2 ਮੈਗਾਪਿਕਸਲ ਦਾ ਸੈਲਫੀ ਸ਼ੂਟਰ ਕੈਮਰਾ ਮੌਜੂਦ ਹੈ। ਪਾਵਰ ਲਈ, Google Pixel 9 Pro Fold ਵਿੱਚ 4650mAh ਦੀ ਬੈਟਰੀ ਹੈ ਜੋ 45W ਚਾਰਜਿੰਗ ਸਪੀਡ ਨੂੰ ਸਪੋਰਟ ਕਰਦੀ ਹੈ ਪਰ Google ਦੇ USB C ਅਡਾਪਟਰ ਨਾਲ ਆਉਂਦਾ ਹੈ।
