UPI ਤੋਂ ਗ਼ਲਤੀ ਨਾਲ ਕਿਸੇ ਨੂੰ ਭੇਜ ਦਿੱਤੇ ਹਨ ਪੈਸੇ ਤਾਂ ਫ਼ੌਰਨ ਕਰੋ ਇਹ ਕੰਮ, ਪੈਸੇ ਆ ਸਕਦੇ ਹਨ ਵਾਪਸ
ਅਪ੍ਰੈਲ ਤੋਂ 24 ਜੁਲਾਈ ਦੇ ਵਿਚਕਾਰ, ਦੇਸ਼ ਵਿੱਚ UPI ਰਾਹੀਂ 80 ਲੱਖ ਕਰੋੜ ਰੁਪਏ ਦੇ ਲੈਣ-ਦੇਣ ਹੋਏ। ਤੇਜ਼ੀ ਨਾਲ ਵੱਧ ਰਹੇ ਡਿਜੀਟਲ ਲੈਣ-ਦੇਣ ਦੇ ਦੌਰ ਵਿੱਚ ਗਲਤੀ ਨਾਲ ਕਿਸੇ ਹੋਰ ਵਿਅਕਤੀ ਦੀ UPI ਆਈਡੀ ਵਿੱਚ ਪੈਸੇ ਟਰਾਂਸਫਰ ਹੋਣ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਅਜਿਹੇ ‘ਚ ਜਲਦੀ ਚੁੱਕੇ ਗਏ ਕੁਝ ਕਦਮ ਤੁਹਾਡੇ ਪੈਸੇ ਬਚੇ ਸਕਦੇ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ।
ਫੰਡ ਵਾਪਸ ਲੈਣ ਲਈ ਤੁਰੰਤ ਗਲਤੀ ਦੀ ਰਿਪੋਰਟ ਕਰਨਾ ਮਹੱਤਵਪੂਰਨ ਹੈ। ਤੁਰੰਤ ਆਪਣੇ ਬੈਂਕ ਜਾਂ UPI ਸਰਵਿਸ ਪ੍ਰੋਵਾਈਡਰ ਨਾਲ ਸੰਪਰਕ ਕਰੋ। ਜਿੰਨੀ ਜਲਦੀ ਤੁਸੀਂ ਸ਼ਿਕਾਇਤ ਦਰਜ ਕਰੋਗੇ, ਤੁਹਾਡੇ ਗਲਤ ਭੁਗਤਾਨ ਨੂੰ ਵਾਪਸ ਕੀਤੇ ਜਾਣ ਦੀ ਸੰਭਾਵਨਾ ਓਨੀ ਹੀ ਜ਼ਿਆਦਾ ਹੋਵੇਗੀ। ਜੇਕਰ ਤੁਸੀਂ ਸ਼ਿਕਾਇਤ ਕਰਨ ਵਿੱਚ ਦੇਰੀ ਕਰਦੇ ਹੋ, ਤਾਂ ਇਹ ਸੰਭਵ ਹੈ ਕਿ ਤੁਹਾਡਾ ਭੁਗਤਾਨ ਵਾਪਸ ਨਹੀਂ ਕੀਤਾ ਜਾਵੇਗਾ।
ਗਲਤ UPI ਬਾਰੇ ਪੂਰੀ ਜਾਣਕਾਰੀ ਦਿਓ
ਆਪਣੇ ਬੈਂਕ ਜਾਂ UPI ਪ੍ਰਦਾਤਾ ਨਾਲ ਗਲਤ UPI ID, ਰਕਮ ਅਤੇ ਮਿਤੀ ਸਮੇਤ ਲੈਣ-ਦੇਣ ਦੇ ਵੇਰਵੇ ਸਾਂਝੇ ਕਰੋ। ਕਿਉਂਕਿ ਜ਼ਿਆਦਾਤਰ ਬੈਂਕਾਂ ਅਤੇ UPI ਪ੍ਰਦਾਤਾਵਾਂ ਕੋਲ ਅਜਿਹੇ ਵਿਵਾਦਾਂ ਨਾਲ ਨਜਿੱਠਣ ਲਈ ਸਿਸਟਮ ਹੁੰਦਾ ਹੈ। ਜੇ ਸੰਭਵ ਹੋਵੇ, ਤਾਂ ਉਸ ਵਿਅਕਤੀ ਨਾਲ ਸੰਪਰਕ ਕਰੋ ਜਿਸ ਨੂੰ ਤੁਸੀਂ ਗਲਤੀ ਨਾਲ ਭੁਗਤਾਨ ਕੀਤਾ ਹੈ। ਨਿਮਰਤਾ ਨਾਲ ਗਲਤੀ ਦਰਸਾਓ ਅਤੇ ਰਿਫੰਡ ਦੀ ਬੇਨਤੀ ਕਰੋ। ਇਹ ਸਭ ਤੋਂ ਤੇਜ਼ ਹੱਲ ਪ੍ਰਦਾਨ ਕਰ ਸਕਦਾ ਹੈ। ਇੱਥੇ ਤੁਹਾਨੂੰ ਸ਼ਿਸ਼ਟਾਚਾਰ ਦਾ ਪੂਰਾ ਧਿਆਨ ਰੱਖਣਾ ਹੋਵੇਗਾ।
ਜੇ ਨਾ ਹੋਵੇ ਕੋਈ ਹੱਲ ਤਾਂ NPCI ਕੋਲ ਸ਼ਿਕਾਇਤ ਦਰਜ ਕਰੋ: ਜੇਕਰ ਹੋਰ ਤਰੀਕੇ ਅਸਫਲ ਹੋ ਜਾਂਦੇ ਹਨ, ਤਾਂ NPCI ਨੂੰ ਸ਼ਿਕਾਇਤ ਕਰੋ, ਜੋ UPI ਸਿਸਟਮ ਦੀ ਨਿਗਰਾਨੀ ਕਰਦਾ ਹੈ। ਉਹ ਜਾਂਚ ਕਰਕੇ ਹੱਲ ਕਰੇਗਾ। ਇਸਦੇ ਲਈ, ਤੁਸੀਂ NPCI ਦੀ ਵੈੱਬਸਾਈਟ ‘ਤੇ ਜਾ ਕੇ ਜਾਂ ਇਸਦੇ ਟੋਲ ਫ੍ਰੀ ਨੰਬਰ 1800-120-1740 ‘ਤੇ ਕਾਲ ਕਰਕੇ 24×7 ਸ਼ਿਕਾਇਤ ਕਰ ਸਕਦੇ ਹੋ। ਲੈਣ-ਦੇਣ ਅਤੇ ਸ਼ਿਕਾਇਤਾਂ ਨਾਲ ਸਬੰਧਤ ਸਾਰੇ ਦਸਤਾਵੇਜ਼ ਸੁਰੱਖਿਅਤ ਰੱਖੋ। ਆਖਰੀ ਉਪਾਅ ਵਜੋਂ, ਜੇਕਰ ਤੁਹਾਨੂੰ ਧੋਖਾਧੜੀ ਦਾ ਸ਼ੱਕ ਹੈ ਤਾਂ ਪੁਲਿਸ ਰਿਪੋਰਟ ਦਰਜ ਕਰਨ ਬਾਰੇ ਵਿਚਾਰ ਕਰੋ। ਜੇਕਰ ਪੁਲਿਸ ਤੁਹਾਡੀ ਸ਼ਿਕਾਇਤ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੀ ਤਾਂ ਤੁਸੀਂ ਅਦਾਲਤ ਦੀ ਮਦਦ ਵੀ ਲੈ ਸਕਦੇ ਹੋ।
