ਜਦੋਂ ਦਾ ਟੈਲੀਕਾਮ ਕੰਪਨੀਆਂ ਨੇ ਆਪਣੇ ਰੀਚਾਰਜ ਦੀਆਂ ਕੀਮਤਾਂ ਵਧਾਈਆਂ ਹਨ, ਉਸ ਸਮੇਂ ਤੋਂ ਹੀ ਲੋਕ ਸਰਕਾਰੀ ਦੂਰ ਸੰਚਾਰ ਕੰਪਨੀ BSNL ਵੱਲ ਰੁੱਖ ਕਰ ਰਹੇ ਹਨ। ਵੈਸੇ ਤਾਂ ਹਰ ਕੰਪਨੀ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ ਵੱਖ-ਵੱਖ ਪਲਾਨ ਪੇਸ਼ ਕਰਦੀ ਹੈ।
ਹਰ ਗਾਹਕ ਰੀਚਾਰਜ ਕਰਦੇ ਸਮੇਂ ਸਸਤੇ ਪਲਾਨ ਦੀ ਤਲਾਸ਼ ਕਰ ਰਿਹਾ ਹੈ। ਇਸ ਦੌਰਾਨ ਅਸੀਂ ਤੁਹਾਨੂੰ ਸਰਕਾਰੀ ਟੈਲੀਕਾਮ ਕੰਪਨੀ BSNL ਦੇ ਪਲਾਨ ਬਾਰੇ ਦੱਸ ਰਹੇ ਹਾਂ। BSNL ਆਪਣੇ ਗਾਹਕਾਂ ਲਈ ਕਈ ਸਸਤੇ ਅਤੇ ਚੰਗੇ ਲਾਭ ਵਾਲੇ ਪਲਾਨ ਪੇਸ਼ ਕਰਦਾ ਹੈ, ਤਾਂ ਜੋ ਲੋਕ ਆਪਣੀ ਸਹੂਲਤ ਅਨੁਸਾਰ ਰੀਚਾਰਜ ਕਰ ਸਕਣ। ਇਸੇ ਤਰ੍ਹਾਂ, ਕੰਪਨੀ 184 ਰੁਪਏ ਦਾ ਰੀਚਾਰਜ ਪਲਾਨ ਵੀ ਪੇਸ਼ ਕਰਦੀ ਹੈ, ਜਿਸ ਵਿੱਚ ਕਈ ਬੈਨੀਫਿਟ ਦੇਣ ਦਾ ਵਾਅਦਾ ਕੀਤਾ ਗਿਆ ਹੈ। ਆਓ ਜਾਣਦੇ ਹਾਂ BSNL ਦੇ ਇਸ 184 ਰੁਪਏ ਵਾਲੇ ਪਲਾਨ ਵਿੱਚ ਕੀ-ਕੀ ਫਾਇਦੇ ਮਿਲਦੇ ਹਨ…
BSNL ਦੇ ਇਸ ਕਿਫਾਇਤੀ ਰੀਚਾਰਜ ਪਲਾਨ ਦੀ ਕੀਮਤ 184 ਰੁਪਏ ਹੈ ਅਤੇ ਗਾਹਕਾਂ ਨੂੰ ਇਸ ਪਲਾਨ ਦੇ ਨਾਲ 28 ਦਿਨਾਂ ਲਈ ਅਨਲਿਮਟਿਡ ਵਾਇਸ ਕਾਲਿੰਗ ਦਾ ਲਾਭ ਦਿੱਤਾ ਜਾਂਦਾ ਹੈ। ਇਸ 184 ਰੁਪਏ ਵਾਲੇ ਪਲਾਨ ਵਿੱਚ ਹਰ ਰੋਜ਼ 100 SMS ਦਾ ਲਾਭ ਵੀ ਦਿੱਤਾ ਜਾਂਦਾ ਹੈ।
ਇਸ ਤੋਂ ਇਲਾਵਾ ਇਹ ਰੀਚਾਰਜ ਪਲਾਨ 28 ਦਿਨਾਂ ਲਈ ਹਰ ਰੋਜ਼ 1GB ਹਾਈ-ਸਪੀਡ ਡਾਟਾ ਦਿੰਦਾ ਹੈ। ਵਾਧੂ ਲਾਭ ਵਜੋਂ, ਇਸ ਰੀਚਾਰਜ ਪਲਾਨ ਦੇ ਨਾਲ, ਗਾਹਕਾਂ ਨੂੰ ਮੁਫਤ BSNL ਟੂਨਸ ਦਾ ਲਾਭ ਵੀ ਮਿਲੇਗਾ। ਜੇਕਰ ਕੋਈ ਘੱਟ ਕੀਮਤ ‘ਤੇ ਇਕ ਮਹੀਨੇ ਦੀ ਵੈਧਤਾ ਵਾਲਾ ਪਲਾਨ ਚਾਹੁੰਦਾ ਹੈ, ਤਾਂ ਇਹ ਪੈਕ ਉਸ ਲਈ ਫਾਇਦੇਮੰਦ ਹੋ ਸਕਦਾ ਹੈ।
ਇਸ ਤੋਂ ਵੀ ਸਸਤਾ ਇੱਕ ਪਲਾਨ ਹੈ ਜਿਸ ਦੀ ਕੀਮਤ 118 ਰੁਪਏ ਹੈ। ਜੇ ਅਸੀਂ ਕੰਪਨੀ ਦੇ ਇਸ ਸਸਤੇ ਪਲਾਨ ਉੱਤੇ ਨਜ਼ਰ ਮਾਰੀਏ ਤਾਂ BSNL ਦੇ 118 ਰੁਪਏ ਵਾਲੇ ਪਲਾਨ ਦੀ ਵੈਧਤਾ 20 ਦਿਨਾਂ ਦੀ ਹੈ। ਇਸ ਪਲਾਨ ‘ਚ ਗਾਹਕਾਂ ਨੂੰ ਅਨਲਿਮਟਿਡ ਵਾਇਸ ਕਾਲਿੰਗ ਦਾ ਫਾਇਦਾ ਦਿੱਤਾ ਜਾਂਦਾ ਹੈ।
ਇਸ ਤੋਂ ਇਲਾਵਾ ਗਾਹਕ ਪਲਾਨ ‘ਚ 10GB ਹਾਈ-ਸਪੀਡ ਡਾਟਾ ਦਾ ਵੀ ਲਾਭ ਲੈ ਸਕਦੇ ਹਨ। ਪਲਾਨ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਹਾਰਡੀ ਗੇਮਜ਼, ਅਰੇਨਾ ਗੇਮਜ਼, ਗੇਮਿਓਨ ਐਸਟ੍ਰੋਟੇਲ, ਗੇਮੀਅਮ, ਜ਼ਿੰਗ ਮਿਊਜ਼ਿਕ ਅਤੇ WOW ਐਂਟਰਟੇਨਮੈਂਟ ਦੇ ਬੈਨੀਫਿਟ ਵੀ ਪ੍ਰਦਾਨ ਕਰਦਾ ਹੈ।
