ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਸਟੀਵ ਸਮਿਥ (Steve Smith) ਨੇ ਇੱਕ ਅਜਿਹੇ ਸਪਿਨ ਗੇਂਦਬਾਜ਼ ਦਾ ਨਾਂ ਲਿਆ ਹੈ, ਜਿਸ ਦਾ ਉਹ ਬੱਲੇਬਾਜ਼ੀ ਦੌਰਾਨ ਸਾਹਮਣਾ ਨਹੀਂ ਕਰਨਾ ਚਾਹੁੰਦੇ ਹਨ। ਇੱਕ ESPN ਸ਼ੋਅ ਵਿੱਚ ਸਟੀਵ ਸਮਿਥ (Steve Smith) ਨੇ ਉਸ ਭਾਰਤੀ ਸਪਿਨਰ ਦੇ ਨਾਮ ਦਾ ਖੁਲਾਸਾ ਕੀਤਾ।
ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਨਵੰਬਰ ‘ਚ ਟੈਸਟ ਸੀਰੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਆਸਟ੍ਰੇਲੀਆਈ ਖਿਡਾਰੀ ਲਗਾਤਾਰ ਬਿਆਨ ਦੇ ਰਹੇ ਹਨ। ਆਸਟ੍ਰੇਲੀਆਈ ਖਿਡਾਰੀ ਭਾਰਤ ਅਤੇ ਭਾਰਤੀ ਖਿਡਾਰੀਆਂ ਬਾਰੇ ਬਿਆਨ ਦੇ ਰਹੇ ਹਨ ਅਤੇ ਇਸ ਦੌਰਾਨ ਸਮਿਥ ਨੇ ਉਸ ਭਾਰਤੀ ਸਪਿਨਰ ਬਾਰੇ ਖੁਲਾਸਾ ਕੀਤਾ ਹੈ ਜਿਸ ਦਾ ਸਾਹਮਣਾ ਕਰਨਾ ਉਹ ਪਸੰਦ ਨਹੀਂ ਕਰਦੇ ਸਨ।
ਦਰਅਸਲ, ਈਐਸਪੀਐਨ ਸ਼ੋਅ ਵਿੱਚ ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਵਿਸ਼ਵ ਕ੍ਰਿਕਟ ਵਿੱਚ ਸਭ ਤੋਂ ਮੁਸ਼ਕਿਲ ਸਪਿਨਰ ਕੌਣ ਹੈ? ਜਿਸ ਨੂੰ ਉਹ ਖੇਡਣਾ ਪਸੰਦ ਨਹੀਂ ਕਰਨਗੇ। ਸਟੀਵ ਸਮਿਥ (Steve Smith) ਨੇ ਇਸ ‘ਤੇ ਪ੍ਰਤੀਕਿਰਿਆ ਦਿੱਤੀ ਅਤੇ ਜਵਾਬ ‘ਚ ਉਨ੍ਹਾਂ ਨੇ ਭਾਰਤ ਦੇ ਅਸ਼ਵਿਨ ਦਾ ਨਾਂ ਨਹੀਂ ਲਿਆ।
ਸਿਹਤਮੰਦ ਰਹਿਣ ਲਈ ਕਿੰਨੇ ਕਿਲੋਮੀਟਰ ਕਰਨੀ ਚਾਹੀਦੀ ਹੈ ਸੈਰ? ਜਾਣੋ
ਸਮਿਥ ਨੇ ਇਸ ਸਵਾਲ ਦਾ ਸਿੱਧਾ ਜਵਾਬ ਦਿੰਦੇ ਹੋਏ ਕਿਹਾ,- ਰਵਿੰਦਰ ਜਡੇਜਾ (Ravindra Jadeja)। ਭਾਵ ਸਟੀਵ ਸਮਿਥ (Steve Smith) ਅਸ਼ਵਿਨ ਨੂੰ ਨਹੀਂ ਸਗੋਂ ਜਡੇਜਾ ਨੂੰ ਸਭ ਤੋਂ ਮੁਸ਼ਕਿਲ ਸਪਿਨ ਗੇਂਦਬਾਜ਼ ਮੰਨਦਾ ਹੈ।
ਇਸ ਤੋਂ ਇਲਾਵਾ ਸਮਿਥ ਨੂੰ ਇਕ ਹੋਰ ਦਿਲਚਸਪ ਸਵਾਲ ਪੁੱਛਿਆ ਗਿਆ। ਸਟੀਵ ਸਮਿਥ (Steve Smith) ਨੂੰ ਪੁੱਛਿਆ ਗਿਆ ਕਿ ਇਕ ਅਜਿਹਾ ਗੇਂਦਬਾਜ਼ ਹੈ ਜਿਸ ਦੀ ਸ਼ਾਟ ਗੇਂਦ ਦਾ ਸਾਹਮਣਾ ਤੁਸੀਂ ਨਹੀਂ ਕਰਨਾ ਚਾਹੋਗੇ। ਇਸ ‘ਤੇ ਆਸਟ੍ਰੇਲੀਆ ਦੇ ਸਾਬਕਾ ਕਪਤਾਨ ਸਮਿਥ ਨੇ ਦੱਖਣੀ ਅਫ਼ਰੀਕਾ ਦੇ ਸਾਬਕਾ ਗੇਂਦਬਾਜ਼ ਮੋਰਨੇ ਮੋਰਕਲ ਦਾ ਨਾਂ ਲਿਆ ਹੈ। ਇਸ ਦੇ ਨਾਲ ਹੀ ਸਟੀਵ ਸਮਿਥ (Steve Smith) ਨੇ ਬੁਮਰਾਹ ਬਾਰੇ ਵੀ ਗੱਲ ਕੀਤੀ ਹੈ। ਸਮਿਥ ਨੇ ਬੁਮਰਾਹ ਨੂੰ ਵਿਸ਼ਵ ਕ੍ਰਿਕਟ ਦਾ ਸਭ ਤੋਂ ਖ਼ਤਰਨਾਕ ਤੇਜ਼ ਗੇਂਦਬਾਜ਼ ਮੰਨਿਆ ਹੈ। ਸਮਿਥ ਨੇ ਬੁਮਰਾਹ ਨੂੰ ਤਿੰਨਾਂ ਫਾਰਮੈਟਾਂ ‘ਚ ਮਹਾਨ ਗੇਂਦਬਾਜ਼ ਕਿਹਾ ਹੈ। ਦੱਸ ਦਈਏ ਕਿ ਨਵੰਬਰ ‘ਚ ਭਾਰਤੀ ਟੀਮ ਆਸਟ੍ਰੇਲੀਆ ਦੇ ਦੌਰੇ ‘ਤੇ ਜਾ ਰਹੀ ਹੈ, ਜਿੱਥੇ ਟੀਮ ਇੰਡੀਆ 5 ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡੇਗੀ। ਸੀਰੀਜ਼ ਦਾ ਪਹਿਲਾ ਟੈਸਟ ਮੈਚ 23 ਨਵੰਬਰ ਨੂੰ ਪਰਥ ‘ਚ ਖੇਡਿਆ ਜਾਵੇਗਾ।
