SBI ਡੈਬਿਟ ਕਾਰਡ ਰਾਹੀਂ ਬਿਨਾਂ Pin ਦੇ ਵੀ ਹੋ ਸਕਦਾ ਹੈ ਭੁਗਤਾਨ, ਜਾਣੋ ਇਸ ਫ਼ੀਚਰ ਨੂੰ ਕਿਵੇਂ ਕਰਨਾ ਹੈ ਸ਼ੁਰੂ
ਪੈਸਿਆਂ ਦਾ ਭੁਗਤਾਨ ਕਰਨ ਲਈ ਅੱਜਕਲ ਔਨਲਾਈਨ ਜਾਂ ਡਿਜੀਟਲ ਬਹੁਤ ਸਾਰੇ ਪਲੇਟਫਾਰਮ ਆ ਗਏ ਹਨ। ਇਹਨਾਂ ਪਲੇਟਫਾਰਮਾਂ ਵਿੱਚੋਂ ਇੱਕ ਡੈਬਿਟ ਕਾਰਡ ਰਾਹੀਂ ਕਾਂਟੈਕਟਲੈੱਸ ਭੁਗਤਾਨ ਵੀ ਹੈ। ਇਸ ਵਿੱਚ, ਤੁਸੀਂ ਪਿੰਨ ਦਰਜ ਕੀਤੇ ਬਿਨਾਂ ਕਿਸੇ ਨੂੰ ਆਪਣੇ ਡੈਬਿਟ ਕਾਰਡ ਤੋਂ 5000 ਰੁਪਏ ਤੱਕ ਦਾ ਭੁਗਤਾਨ ਕਰ ਸਕਦੇ ਹੋ।
ਇਸ ਵਿੱਚ ਡੈਬਿਟ ਕਾਰਡ ਨੂੰ ਸਵੈਪ ਜਾਂ ਮਸ਼ੀਨ ਵਿੱਚ ਪਾਉਣ ਦੀ ਲੋੜ ਨਹੀਂ ਹੁੰਦੀ ਹੈ। ਜੇਕਰ ਤੁਹਾਡੇ ਕੋਲ ਵੀ SBI ਡੈਬਿਟ ਕਾਰਡ ਹੈ, ਪਰ ਤੁਸੀਂ ਕਾਂਟੈਕਟਲੈੱਸ ਭੁਗਤਾਨ ਕਰਨ ਦੇ ਯੋਗ ਨਹੀਂ ਹੋ, ਤਾਂ ਤੁਸੀਂ ਇਸ ਨੂੰ ਇੰਟਰਨੈੱਟ ਬੈਂਕਿੰਗ ਰਾਹੀਂ ਬਹੁਤ ਆਸਾਨੀ ਨਾਲ ਚਾਲੂ ਕਰ ਸਕਦੇ ਹੋ। ਇਸ ਦੇ ਲਈ ਪ੍ਰਕਿਰਿਆ ਬਹੁਤ ਆਸਾਨ ਹੈ।
ਜ਼ਿਕਰਯੋਗ ਹੈ ਕਿ ਭਾਰਤੀ ਸਟੇਟ ਬੈਂਕ (SBI) ਕਾਂਟੈਕਟਲੈੱਸ ਡੈਬਿਟ ਕਾਰਡਾਂ ਰਾਹੀਂ ਟ੍ਰਾਂਜ਼ੈਕਸ਼ਨ ਜਾਂ ਖਰੀਦ ‘ਤੇ ਇਨਾਮ ਪੁਆਇੰਟ ਵੀ ਕਮਾ ਸਕਦੇ ਹੋ। ਕਾਂਟੈਕਟਲੈੱਸ ਲੈਣ-ਦੇਣ ਸੁਰੱਖਿਅਤ ਹਨ। ਇਹ ਫਾਸਟ-ਫੂਡ, ਰੈਸਟੋਰੈਂਟਸ, ਪੈਟਰੋਲ ਪੰਪਾਂ ਅਤੇ ਫਿਲਮ ਥੀਏਟਰਾਂ ਲਈ ਬਹੁਤ ਲਾਭਦਾਇਕ ਹਨ।
ਕਾਂਟੈਕਟਲੈੱਸ ਭੁਗਤਾਨ ਲਈ SBI ਡੈਬਿਟ ਕਾਰਡ ਦੀ ਵਰਤੋਂ ਕਰਕੇ ਭੁਗਤਾਨ ਕਰਨ ਲਈ, ਕਾਰਡ ਨੂੰ ਪੁਆਇੰਟ ਆਫ਼ ਸੇਲ (ਪੀਓਐਸ) ਟਰਮੀਨਲ ‘ਤੇ ਲਿਜਾਣਾ ਪੈਂਦਾ ਹੈ ਅਤੇ ਭੁਗਤਾਨ ਕੀਤਾ ਜਾਂਦਾ ਹੈ। SBI ਦੇ ਕਾਂਟੈਕਟਲੈੱਸ ਡੈਬਿਟ ਕਾਰਡ ਵਾਧੂ ਸੁਰੱਖਿਆ ਲਈ EMV ਚਿੱਪ ਦੇ ਨਾਲ ਆਉਂਦੇ ਹਨ। ਕਾਂਟੈਕਟਲੈੱਸ ਭੁਗਤਾਨ ਦੀ ਸਹੂਲਤ SBI ਦੇ ਗਲੋਬਲ ਇੰਟਰਨੈਸ਼ਨਲ ਡੈਬਿਟ ਕਾਰਡ RuPay, MasterCard ਅਤੇ Visa ‘ਤੇ ਉਪਲਬਧ ਹੈ।
ਇਸ ਫੀਚਰ ਨੂੰ ਐਕਟਿਵ ਕਰਨ ਲਈ ਹੇਠ ਲਿੱਖੇ ਆਸਾਨ ਸਟੈੱਪ ਫਾਲੋ ਕਰਨੇ ਹੋਣਗੇ
ਸਭ ਤੋਂ ਪਹਿਲਾਂ SBI ਇੰਟਰਨੈੱਟ ਬੈਂਕਿੰਗ ਪੋਰਟਲ onlinesbi.sbi ‘ਤੇ ਜਾਓ। ਯੂਜ਼ਰਨੇਮ ਅਤੇ ਪਾਸਵਰਡ ਨਾਲ ਪੋਰਟਲ ਲੌਗਇਨ ਕਰੋ। ਜਦੋਂ ਹੋਮ ਪੇਜ ਖੁੱਲ੍ਹਦਾ ਹੈ, ਤਾਂ ਈ-ਸਰਵਿਸਿਜ਼ ਸੈਕਸ਼ਨ ਵਿੱਚ ਡੈਬਿਟ ਕਾਰਡ ਸੇਵਾਵਾਂ ਵਿਕਲਪ ‘ਤੇ ਕਲਿੱਕ ਕਰੋ।
ਹੁਣ ATM ਕਮ ਡੈਬਿਟ ਕਾਰਡ ‘ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ATM ਕਾਰਡ ਲਿਮਟਿਡ ਚੈਨਲ ਯੂਜ਼ ਚੇਂਜ ‘ਤੇ ਕਲਿੱਕ ਕਰੋ। ਫਿਰ ਖਾਤਾ ਨੰਬਰ ‘ਤੇ ਕਲਿੱਕ ਕਰੋ ਅਤੇ ਇਸ ਤੋਂ ਬਾਅਦ ਕਾਰਡ ਨੰਬਰ ‘ਤੇ ਕਲਿੱਕ ਕਰੋ ਅਤੇ Change usage type ਬਦਲੋ। ਹੁਣ NFC ਵਰਤੋਂ ‘ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਓ.ਟੀ.ਪੀ ਵੈਲੀਡੇਸ਼ਨ ਹੋਵੇਗੀ। ਇਸ ਤੋਂ ਬਾਅਦ ਤੁਹਾਨੂੰ ਵੈਲੀਡੇਸ਼ਨ ਦਾ ਕਨਫਰਮੇਸ਼ਨ ਮੈਸੇਜ ਆਵੇਗਾ। ਹੁਣ ਤੁਹਾਡਾ ਡੈਬਿਟ ਕਾਰਡ ਕਾਂਟੈਕਟਲੈੱਸ ਲੈਣ-ਦੇਣ ਲਈ ਤਿਆਰ ਹੈ।
