OnePlus ਅੱਜ ਲਾਂਚ ਕਰੇਗੀ OxygenOS 15 ਅਪਡੇਟ, ਨਾਲ ਹੀ ਮਿਲੇਗਾ OnePlus 12 ਜਿੱਤਣ ਦਾ ਮੌਕਾ, ਜਾਣੋ ਕਿਵੇਂ 

ਐਂਡਰਾਇਡ ਸਕਿਨ ਉੱਤੇ ਕਸਟਮ ਸਕਿਨ ਲਈ ਸਭ ਤੋਂ ਪਹਿਲਾਂ OnePlus ਦੇ ਫ਼ੋਨ ਮਸ਼ਹੂਰ ਹੋਏ ਸਨ। OnePlus ਦਾ OxygenOS ਐਂਡਰਾਇਡ ਦਾ ਹੀ ਕਸਟਮਾਈਜ਼ ਵਰਜ਼ਨ ਹੈ ਤੇ ਅੱਜ ਯਾਨੀ 24 ਅਕਤੂਬਰ ਨੂੰ ਆਪਣੀ ਨਵੀਂ OxygenOS 15 ਕਸਟਮ ਐਂਡਰਾਇਡ ਸਕਿਨ ਦੀ ਘੋਸ਼ਣਾ ਕਰਨ ਜਾ ਰਿਹਾ ਹੈ।

ਲਾਂਚ ਤੋਂ ਪਹਿਲਾਂ ਕੰਪਨੀ ਨੇ ਇੱਕ ਛੋਟੇ ਵੀਡੀਓ ਰਾਹੀਂ ਇਸ ਦੇ ਕੁੱਝ ਖ਼ਾਸ ਫ਼ੀਚਰ ਦੀ ਝਲਕ ਦਿੱਤੀ ਹੈ। ਇਸ ਦੇ ਨਾਲ ਹੀ ਇਸ ਈਵੈਂਟ ਵਿੱਚ ਕੰਪਨੀ OnePlus 12 ਜਾਂ Buds 3 Pro ਫ੍ਰੀ ਜਿੱਤਣ ਦਾ ਮੌਕਾ ਦੇ ਰਹੀ ਹੈ। ਆਓ ਜਾਣਦੇ ਹਾਂ ਕਿ ਤੁਸੀਂ OnePlus 12 ਜਾਂ Buds 3 Pro ਕਿਵੇਂ ਜਿੱਤ ਸਕਦੇ ਹੋ।

OnePlus ਨੇ X ‘ਤੇ ਇਹ ਜਾਣਕਾਰੀ ਦਿੱਤੀ ਹੈ ਕਿ OxygenOS 15 ਈਵੈਂਟ ਨੂੰ ਦੇਖਣ ਵਾਲੇ ਉਪਭੋਗਤਾਵਾਂ ਨੂੰ ਤਿੰਨ ਚੀਜ਼ਾਂ ਮੁਫ਼ਤ ਦਿੱਤੀਆਂ ਜਾਣਗੀਆਂ, ਜੋ ਕਿ ਰਾਤ 9:00 ਵਜੇ IST ਤੋਂ ਸ਼ੁਰੂ ਹੋਵੇਗਾ। ਇਸ ਵਿੱਚ ਹਿੱਸਾ ਲੈਣ ਲਈ, ਤੁਹਾਨੂੰ OxygenOS 15 ਵਿੱਚ ਸਭ ਤੋਂ ਖ਼ਾਸ ਕੀ ਮਿਲ ਰਿਹਾ ਹੈ, ਇਸ ਬਾਰੇ ਕਮੈਂਟ ਕਰਨਾ ਹੋਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ OnePlus 12 ਦੇ ਵਿਜੇਤਾ ਨੂੰ YouTube ਚੈਨਲ ‘ਤੇ 10 ਹਜ਼ਾਰ ਕਮੈਂਟ ਮਿਲਣ ਤੋਂ ਬਾਅਦ ਚੁਣਿਆ ਜਾਵੇਗਾ।

ਦੂਜੇ ਫ਼ੋਨ ਨੂੰ 30 ਹਜ਼ਾਰ ਕਮੈਂਟ ‘ਤੇ ਜੇਤੂ ਵਜੋਂ ਚੁਣਿਆ ਜਾਵੇਗਾ ਅਤੇ ਤੀਜੇ ਫ਼ੋਨ ਨੂੰ 50 ਹਜ਼ਾਰ ਟਿੱਪਣੀਆਂ ‘ਤੇ ਜੇਤੂ ਵਜੋਂ ਚੁਣਿਆ ਜਾਵੇਗਾ। ਇਸ ਤੋਂ ਇਲਾਵਾ, ਹਰ 2,000 ਰਿਪਲਾਈ ਲਈ, OnePlus Buds Pro 3 ਦਾ ਇੱਕ ਸੈੱਟ ਗਿਫ਼ਟ ਕੀਤਾ ਜਾਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਦੇ ਲਈ 10 ਇਨਾਮ ਹਨ। ਉਪਭੋਗਤਾ ਹਰ 1000 ਜਵਾਬਾਂ ਲਈ OnePlus Never Settle ਹੂਡੀ ਵੀ ਜਿੱਤ ਸਕਦੇ ਹਨ।

OnePlus OxygenOS 15 ਵਿੱਚ ਕੀ ਨਵਾਂ ਮਿਲਣ ਵਾਲਾ ਹੈ, ਆਓ ਜਾਣਦੇ ਹਾਂ: OxygenOS 15 ਵਿੱਚ ਨਵਾਂ OS AI ਅਨਬਲਰ, AI ਡਿਟੇਲ ਬੂਸਟ, AI ਰਿਫਲੈਕਸ਼ਨ ਇਰੇਜ਼ਰ, AI ਨੋਟਸ, ਨਵੇਂ ਵਾਲਪੇਪਰ ਵਰਗੇ ਕਈ ਬਦਲਾਅ ਦੇਖਣ ਨੂੰ ਮਿਲਣਗੇ। ਨੋਟਸ ਐਪ ਵਿੱਚ ਗੈਲਰੀ ਫ਼ੋਟੋਆਂ ਦੀ ਵਰਤੋਂ ਕਰਨ ਦੀ ਸਹੂਲਤ ਵੀ ਉਪਲਬਧ ਹੋਵੇਗੀ। ਕੰਪਨੀ ਨੇ ਇਹ ਵੀ ਪੁਸ਼ਟੀ ਕੀਤੀ ਹੈ ਕਿ OxygenOS 15 ਪਿਛਲੇ ਵਰਜ਼ਨ ਨਾਲੋਂ ਘੱਟ ਮੈਮਰੀ ਸਪੇਸ ਲਵੇਗਾ। ਇਸ ਤੋਂ ਇਲਾਵਾ ਲਾਕ-ਸਕ੍ਰੀਨ ਕਸਟਮਾਈਜ਼ੇਸ਼ਨ ਲਈ ਵੀ ਕਈ ਫ਼ੀਚਰ ਐਡ ਕੀਤੇ ਗਏ ਹਨ।

ਇਹ 6 ਸੁਪਰਫੂਡ ਸਰਦੀਆਂ ਵਿੱਚ ਵੀ ਤੁਹਾਡੇ ਸਰੀਰ ਨੂੰ ਰੱਖਣਗੇ ਗਰਮ
ਹੋਰ ਖਬਰਾਂ…