ਭਾਰਤ ‘ਚ ਆਈਫੋਨ ਦੀ ਵਿਕਰੀ 20 ਸਤੰਬਰ ਤੋਂ ਸ਼ੁਰੂ ਹੋਈ ਸੀ। ਇਹ Apple ਦੇ ਪ੍ਰਸ਼ੰਸਕਾਂ ਲਈ ਨਵਾਂ ਆਈਫੋਨ ਫੋਨ ਖਰੀਦਣ ਦਾ ਸੁਨਹਿਰੀ ਮੌਕਾ ਬਣ ਗਿਆ। ਕਈਆਂ ਨੂੰ ਲੱਗ ਰਿਹਾ ਸੀ ਕਿ ਹੁਣ ਆਈਫੋਨ ਦਾ ਨਿਰਮਾਣ ਭਾਰਤ ਵਿੱਚ ਕੀਤਾ ਜਾ ਰਿਹਾ ਹੈ ਤਾਂ ਇਸ ਦੀਆਂ ਕੀਮਤਾਂ ਵਿੱਚ ਕੋਈ ਕਮੀ ਆਵੇਗੀ ਪਰ ਅਜਿਹਾ ਕੁੱਝ ਵੀ ਨਹੀਂ ਹੋਇਆ ਹੈ।
ਭਾਰਤ ਵਿੱਚ ਆਈਫੋਨ 16 ਸੀਰੀਜ਼ ਦੇ ਫੋਨਾਂ ਨੂੰ ਅਸੈਂਬਲ ਕਰਕੇ, ਐਪਲ ਇੰਕ ਨੇ ਆਈਫੋਨ ਪ੍ਰੇਮੀਆਂ ਵਿੱਚ ਉਮੀਦ ਜਗਾਈ ਸੀ ਕਿ ਉਨ੍ਹਾਂ ਨੂੰ ਇਸ ਵਾਰ ਸਸਤੇ ਆਈਫੋਨ ਮਿਲਣ ਜਾ ਰਹੇ ਹਨ। ਹਾਲਾਂਕਿ, ਜਿਵੇਂ ਹੀ ਭਾਰਤ ਵਿੱਚ ਆਈਫੋਨ 16 ਦੀ ਵਿਕਰੀ ਸ਼ੁਰੂ ਹੋਈ, ਗਾਹਕਾਂ ਨੂੰ ਨਿਰਾਸ਼ਾ ਹੋਈ ਕਿਉਂਕਿ ਆਈਫੋਨ ਭਾਰਤ ਵਿੱਚ ਮਹਿੰਗੇ ਹਨ। ਜੇਕਰ ਇਸ ਦੇ ਪਿੱਛੇ ਅਸਲ ਕਾਰਨ ਦੀ ਗੱਲ ਕਰੀਏ ਤਾਂ ਇੱਥੇ ਸਮਾਰਟਫੋਨ ‘ਤੇ GST ਦੀ ਉੱਚ ਦਰ ਜ਼ਿੰਮੇਵਾਰ ਹੈ।
ਕੁਝ ਸਮਾਂ ਪਹਿਲਾਂ ਖਬਰ ਆਈ ਸੀ ਕਿ ਐਪਲ ਆਪਣੀ ਆਈਫੋਨ 16 ਸੀਰੀਜ਼ ਦੇ ਸਾਰੇ ਮਾਡਲ ਭਾਰਤ ‘ਚ ਅਸੈਂਬਲ ਕਰਵਾ ਰਹੀ ਹੈ, ਜਿਸ ‘ਚ ਪ੍ਰੋ ਅਤੇ ਪ੍ਰੋ ਮੈਕਸ ਮਾਡਲ ਵੀ ਸ਼ਾਮਲ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਐਪਲ ਨੇ ਚੀਨ ਤੋਂ ਇਲਾਵਾ ਕਿਸੇ ਹੋਰ ਦੇਸ਼ ਵਿੱਚ ਆਪਣੇ ਆਈਫੋਨ ਦੇ ਨਿਰਮਾਣ ਨੂੰ ਮਨਜ਼ੂਰੀ ਦਿੱਤੀ ਹੈ। ਹਾਲਾਂਕਿ, ਭਾਰਤ ਦੇ ਮੁਕਾਬਲੇ, ਆਈਫੋਨ 16 ਦੇ ਕੁਝ ਮਾਡਲ ਅਮਰੀਕਾ, ਯੂਏਈ, ਵੀਅਤਨਾਮ, ਥਾਈਲੈਂਡ ਦੇ ਨਾਲ-ਨਾਲ ਮਲੇਸ਼ੀਆ ਵਿੱਚ ਵੀ ਸਸਤੇ ਹਨ।
ਕੀਮਤ ਦੀ ਗੱਲ ਕਰੀਏ ਤਾਂ ਸਾਫ ਪਤਾ ਲੱਗਦਾ ਹੈ ਕਿ ਭਾਰਤ ‘ਚ ਜ਼ਿਆਦਾ ਮਹਿੰਗਾ ਆਈਫੋਨ 16 ਉਪਲਬਧ ਹੈ ਅਤੇ ਇਸ ਦਾ ਕਾਰਨ ਇਹ ਹੈ ਕਿ ਇੱਥੇ ਸਮਾਰਟਫੋਨ ‘ਤੇ 18 ਫੀਸਦੀ ਦੀ ਦਰ ਨਾਲ ਟੈਕਸ (ਜੀ.ਐੱਸ.ਟੀ.) ਲਗਾਇਆ ਗਿਆ ਹੈ। ਹਾਲਾਂਕਿ, ਜੇਕਰ ਅਸੀਂ ਆਈਫੋਨ 16 ਦੇ ਪ੍ਰੋ ਅਤੇ ਪ੍ਰੋ ਮੈਕਸ ਮਾਡਲਾਂ ਨੂੰ ਦੇਖਦੇ ਹਾਂ, ਤਾਂ ਉਹ ਆਈਫੋਨ 15 ਦੇ ਪ੍ਰੋ ਅਤੇ ਪ੍ਰੋ-ਮੈਕਸ ਫੋਨਾਂ ਨਾਲੋਂ ਤੁਲਨਾਤਮਕ ਤੌਰ ‘ਤੇ ਸਸਤੇ ਹਨ।
ਇਨ੍ਹਾਂ ‘ਤੇ 7.6 ਫੀਸਦੀ ਜਾਂ 9,900 ਰੁਪਏ ਦੀ ਘੱਟ ਡਿਊਟੀ ਫੀਸ ਸੀ ਅਤੇ ਇਸ ਕਰਕੇ ਇਹ ਸਸਤੇ ਹੋ ਗਏ। ਅਜਿਹਾ ਆਮ ਬਜਟ ‘ਚ ਸਮਾਰਟਫੋਨ ‘ਤੇ ਘੱਟ ਡਿਊਟੀ ਕਾਰਨ ਹੋਇਆ ਹੈ। ਜੇਕਰ ਆਈਫੋਨ 15 ਦੇ ਮੁਕਾਬਲੇ ਆਈਫੋਨ 16 ਦੀਆਂ ਕੀਮਤਾਂ ‘ਤੇ ਨਜ਼ਰ ਮਾਰੀਏ ਤਾਂ ਇਸ ਦੀ ਤੁਲਨਾ ‘ਚ ਇਹ ਲਗਭਗ 15,000 ਰੁਪਏ ਸਸਤਾ ਹੈ।
