ਕਰੋੜਾਂ ਦੀ ਮਾਲਕ ਹੈ ਪਾਕਿਸਤਾਨੀ ਅਦਾਕਾਰਾ Hania Aamir, ਲਗਜ਼ਰੀ ਗੱਡੀਆਂ ਦਾ ਵੀ ਰੱਖਿਆ ਹੈ ਕਲੈਕਸ਼ਨ

ਫਿਲਮੀ ਸਫ਼ਰ ‘ਜਾਨਾ’ ਨਾਲ ਸ਼ੁਰੂ ਹੋਇਆ ਸੀ
Hania Aamir ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਸਾਲ 2016 ਵਿੱਚ ਫਿਲਮ ‘ਜਾਨਾ’ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਸਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਉਸ ਨੇ ‘ਤਿਤਲੀ’ ਨਾਲ ਟੀਵੀ ਦੀ ਦੁਨੀਆ ‘ਚ ਸ਼ੁਰੂਆਤ ਕੀਤੀ ਅਤੇ ਫਿਰ ‘ਮੇਰੇ ਹਮਸਫਰ’, ‘ਇਸ਼ਕੀਆ’, ‘ਕਭੀ ਮੈਂ ਕਭੀ ਤੁਮ’ ਵਰਗੇ ਹਿੱਟ ਸ਼ੋਅਜ਼ ‘ਚ ਆਪਣੀ ਅਦਾਕਾਰੀ ਦਾ ਜਾਦੂ ਦਿਖਾਇਆ। ਉਸ ਨੇ ‘ਨਾ ਮਾਲੂਮ ਅਫਰਾਦ 2’ ਵਰਗੀਆਂ ਫਿਲਮਾਂ ਵਿੱਚ ਵੱਡੇ ਪਰਦੇ ‘ਤੇ ਵੀ ਕੰਮ ਕੀਤਾ, ਜਿਸ ਨਾਲ ਉਸ ਦੀ ਪ੍ਰਸਿੱਧੀ ਹੋਰ ਵਧ ਗਈ।

ਅਦਾਕਾਰੀ ਦੇ ਨਾਲ-ਨਾਲ Hania Aamir ਆਪਣੀ ਆਲੀਸ਼ਾਨ ਜੀਵਨ ਸ਼ੈਲੀ ਲਈ ਵੀ ਸੁਰਖੀਆਂ ਵਿੱਚ ਰਹਿੰਦੀ ਹੈ। Hania Aamir ਦੇ ਕਾਰਾਂ ਦੇ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ, ਉਸ ਕੋਲ ਆਡੀ Q7, ਆਡੀ A4 ਅਤੇ ਹੋਂਡਾ ਸਿਵਿਕ ਵਰਗੀਆਂ ਮਹਿੰਗੀਆਂ ਕਾਰਾਂ ਹਨ। ਹਨੀਆ ਅਕਸਰ ਇੰਸਟਾਗ੍ਰਾਮ ‘ਤੇ ਆਪਣੀਆਂ ਕਾਰਾਂ ਨਾਲ ਤਸਵੀਰਾਂ ਸ਼ੇਅਰ ਕਰਦੀ ਹੈ ਜੋ ਉਸ ਦੇ ਸਟਾਈਲ ਸਟੇਟਮੈਂਟ ਨੂੰ ਦਰਸਾਉਂਦੀ ਹੈ।

ਬ੍ਰਾਂਡ ਐਂਡੋਰਸਮੈਂਟ ਅਤੇ ਸੋਸ਼ਲ ਮੀਡੀਆ ਤੋਂ ਕਮਾਈ
ਸਿਰਫ਼ ਅਦਾਕਾਰੀ ਹੀ ਨਹੀਂ, Hania Aamir ਸੋਸ਼ਲ ਮੀਡੀਆ ਤੋਂ ਵੀ ਬਹੁਤ ਕਮਾਈ ਕਰਦੀ ਹੈ। ਇੰਸਟਾਗ੍ਰਾਮ ਅਤੇ ਯੂਟਿਊਬ ‘ਤੇ ਉਸ ਦੀ ਬਹੁਤ ਵੱਡੀ ਫੈਨ-ਫਾਲੋਇੰਗ ਹੈ ਜਿਸ ਕਾਰਨ ਉਸ ਨੂੰ ਬ੍ਰਾਂਡ ਐਂਡੋਰਸਮੈਂਟ ਲਈ ਕਈ ਆਫਰਸ ਮਿਲਦੀਆਂ ਹਨ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, 2025 ਤੱਕ ਉਸ ਦੀ ਕੁੱਲ ਜਾਇਦਾਦ ਲਗਭਗ 430 ਮਿਲੀਅਨ ਪਾਕਿਸਤਾਨੀ ਰੁਪਏ ਹੋਣ ਦਾ ਅਨੁਮਾਨ ਹੈ, ਜੋ ਸਾਬਤ ਕਰਦਾ ਹੈ ਕਿ ਹਨੀਆ ਨਾ ਸਿਰਫ ਇੱਕ ਮਹਾਨ ਕਲਾਕਾਰ ਹੈ, ਬਲਕਿ ਇੱਕ ਸਮਝਦਾਰ ਸੈਲਫ-ਮੇਡ ਸਟਾਰ ਵੀ ਹੈ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ, Hania Aamir ਜਲਦੀ ਹੀ ‘ਲੋ ਬੱਚੇ ਹੈਂ ਸੰਗ ਸਮੇਟ ਲੋ’ ਨਾਮਕ ਇੱਕ ਟੀਵੀ ਸੀਰੀਜ਼ ਵਿੱਚ ਨਜ਼ਰ ਆਵੇਗੀ, ਜੋ ਕਿ ਨੈੱਟਫਲਿਕਸ ‘ਤੇ ਸਟ੍ਰੀਮ ਹੋਵੇਗੀ।